Ngā tohutohu kete whakamātau mātai whēkau Bowel Screening test kit instructions
This content is available in other languages and alternate formats:
Ko ngā kōrero mō te whakamātautau whēkua
Me pēhea te whakamahi i tō kete whakamātautau
1
Kia āta aro mai
Tangohia tētahi whakapiri waehere tāekaeka mai i te puka whakaae ka whakapiri ki te taha papatahi o te ipu.
Tuhia te rā e mahia ai e koe te whakamātautau i runga i te puka whakaae. Whakakīia te toenga o te puka.
2
Mimi i te tuatahi, ā, ka tukurere i te wai mēnā ka taea.
Kuhuna he pepa wharepaku ki te wharepaku.
Whakatakotoria te pepa pota tiko ki runga ake o te pepa wharepaku.
3
Tiko i runga i te pepa pota tiko. Kia tere te tango i te taupoki o te ipu — i mua i te totohu o te tiko.
Titia te pito o te rākau kākāriki ki te tiko, kia pai ai te hīpokina o te kāmata o te rākau.
He iti noa te pota tiko e hiahiatia ana.
4
Whakahokia te rākau ki roto i te ipu. Pēhia te taupoki ki raro kia ngotongoto te kati. He kūtere pūataata kei te ipu mō tō tīpakohanga.
Tukureretia te wharepaku me te horoi i ō ringaringa. Ka taea te tukurere i te pepa pota tiko.
Kuhuna te ipu ki roto i te pēke maukati. Kōtētia te pēke maukati hei hīri.
5
Kuhuna tē pēke maukati me te ipu me te puka whakaae ki roto i te kōpaki whakahoki.
Tukuna te pota tiko i taua rangi tonu, i te rangi whai muri rānei, kei kino tō pota tiko ina takaroa ana.
Kei te hiahia āwhina koe?
Tēnā waea koreututia a 0800 924 432. Kōrero mai ki a mātou ko tēhea te reo kōrero e pai ana ki a koe, ā, ka whakarite mātou i tētahi ki te kōrero ki a koe mō te mātai whēkau i tō reo.