Ngā pota whakakaha o te kano āraimate KOWHEORI-19 Additional doses of COVID-19 vaccines

Kei te mōhiotia hoki ka heke haere tō parenga mai i te kano āraimate, i te pahuretanga o te wā.

E pakari tonu ai tō awhikiri, me noho hou tonu ō kano āraimate — tatū noa ki ngā pota whakakaha. Mā tēnei e whakaiti i tō tūpono pāngia e te mate i te KOWHEORI-19, me te uru ki te hōhipera.

Mai i te 7 o Māehe 2024, ka whakamahia e mātou te kano āraimate Pfizer XBB1.5 angatahi. He kano āraimate hou tēnei e aro ana ki ngā momo hou o te Omicron. He koreutu ngā kano ārai mate KOWHEORI-19.

Ka hua ake i te kano āraimate nei he urupare awhikiri hei ārai atu i te momo Omicron XBB.1.5.

E tohu ana ngā taunakitanga o nāianei, he whaihua ake te kano āraimate ki te ārai atu i ngā momo Omicron, tēnā i ngā kano āraimate o mua.

Mēnā he pakeke ake koe i te 30 tau, ka āhei koe ki te pota whakakaha, ahakoa te nui o ngā pota kua whiwhi kē koe. E tūtohua ana:

• kia tatari mō te 6 marama, neke atu rānei mai i tō pānga ki te KOWHEORI-19
• kia tatari mō te 6 marama, neke atu rānei mai i tō whiwhinga ki tētahi kano āraimate KOWHEORI-19.

E tūtohu ana ngā pota whakakaha mā:

• ngā tāngata 65 tau, pakeke ake rānei
• Te kaumātua Māori, Tangata Moana hoki, e 50 ōna tau, neke atu rānei
• te hunga kei ngā whare kaumātua
• te hunga e tino raruraru ana tō rātau ārai mate
• te hunga pakeke ake i te 12 tau, neke atu rānei, e pāngia ana e tētahi mate ka whakapiki i te mōrearea i te pāngia ki te KOWHEORI-19.

Te hunga noho ora kei waenga i te 16 ki te 29 tau e taea ana te pota whakakaha kotahi.

E whiwhi ai koe i tētahi pota whakakaha:

• kua whiwhi kē koe i ō kano āraimate e 2 o te KOWHEORI-19
• E tūtohua ana kia tatari koe mō te 6 marama mai i tō kano āraimate KOWHEORI-19 o mua, i tō pokenga whakamutunga rānei.

Ngā pota whakakaha mā ngā tāngata 16 ki te 29 tau e noho mōrearea nui ana

Ka taea e ētahi hunga kei waenga i te 16 ki te 29 tau te pakeke te whiwhi i te pota whakakaha.

Ka uru ki tēnei:

• te hunga e tino raruraru ana tō rātau ārai mate
• ngā wāhine hapū
• te hunga e pāngia ana e tētahi mate ka whakapiki i te mōrearea o te pāngia ki te KOWHEORI-19
• te hunga noho hauā, he nui, he tuatini rānei ngā matea hauora, ngā mate huhua rānei.

Kāore ngā tamariki ora i raro i te 16 tau te pakeke e māraurau ana ki ngā pota whakakaha. 

Ka āhei ki ngā pota whakakaha ngā rangatahi kei waenga i te 12 ki te 15 tau kei te pāngia e te mate e whakapiki ana i te mōrearea o te pānga ki te KOWHEORI-19, tatū noa ki te hunga e hapū ana.

Me kōrero ki tō rata, nēhi, kaiwhakarato hauora rānei mēnā e tūtohua ana tēnei.

Ka āhei ngā tamariki i raro i te 12 tau te pakeke ki te kano āraimate.

Me kōrero ki tō rata, nēhi, kaiwhakarato hauora rānei mō ngā āhuatanga tauwhāiti i tō tamaiti.

He iti ake te tūpono pāngia o ngā tamariki ki te mate hārukiruki me te kawenga ki te hōhipera ina pāngia e te  KOWHEORI-19.

Ka kitea e koe te rā o tō kano āraimate whakamutunga ki My Health Record.

Haere ki My Health Record (hononga rāwaho)

Ki te rapu mōhio mā te waea, waea atu ki te COVID Vaccination Healthline. Ka wātea i waenga i te 8.30am ki te 5pm, Mane ki te Paraire (hāunga ngā hararei tūmatanui).

Waea: 0800 28 29 26

Kāore te pāngia ki te KOWHEORI-19 e tuku i te awhikiri ōrite te pakari ki ō te kano āraimate.

Mēnā kua pāngia koe e te KOWHEORI-19 i mua, e māraurau ana koe ki tētahi pota whakakaha, ā, e tūtohua ana kia tatari koe mō te 6 marama i muri i tō pānga ki te mate.

He aha te tikanga o te wā i waenga i te pokenga me te whiwhi kano āraimate

Mehemea kua pāngia koe e te KOWHEORI-19, ka nui tonu ngā paturopi i roto i tō tinana nā te urupare a tō pūnaha awhikiri ki te pokenga. Ka tuku parenga tēnei ki a koe hei kaupare atu i te KOWHEORI-19.

I muri iho i te 6 marama, kua heke pea ngā paturopi o tō tinana, ā, kua rite koe mō te kano āraimate, ā, he wā pai ki te whakakaha i tō awhikiri.

Ki te whiwhi koe i te kano āraimate i muri tata i tō pānga ki te KOWHEORI-19, e kore pea koe e whiwhi i ngā hua katoa nā te mea he nui ngā paturopi kei tō tinana.

Mehemea he nui ake tō mōrearea ka pāngia ki te mate hārukiruki i te KOWHEORI-19, e tūtohu ana mātou kia kōrero koe ki tō rata, mātanga hauora rānei mō te wā tika mō tō pota e whai ake nei. Tērā pea he pai ake tō whiwhi wawe i tō kano āraimate KOWHEORI-19 i mua o te 6 marama.