Te aromatawai KOWHEORI-19 COVID-19 testing
E tūtohua ana kia whakahaere koe i tētahi whakamātautau ākipaturopi tere (RAT) mēnā kei te pāngia koe e te rewharewha, whurū, ētahi atu tohumate KOWHEORI-19 rānei. Mēnā ka kitea kei te pāngia koe e te mate, e tūtohua ana kia noho taratahi mō te 5 rā, ahakoa he māmā noa ngā tohumate māmā. Me pūrongo koe i tō otinga i roto i My Health Record kia tūhono ai koe ki te āwhina me te tautoko ina hiahiatia.
This content is available in other languages and alternate formats:
On this page
- Ngā whakamātautau ākipaturopi tere KOWHEORI-19 koreutu
- Ngā momo whakamātautau KOWHEORI-19
- Ki hea whiwhi ai i ngā whakamātautau KOWHEORI-19
- Me pēhea te whakamahi i tētahi whakamātautau ākipaturopi tere KOWHEORI-19
- Mēnā ka kitea kei te pāngia koe e te KOWHEORI-19
- Mēnā i pāngia koe e te KOWHEORI-19 i mua
Ngā whakamātautau ākipaturopi tere KOWHEORI-19 koreutu
Ka noho wātea tonu ngā whakamātautau ākipaturopi tere (ngā RAT) KOWHEORI-19 koreutu kia tīkina atu i ngā taka rongoā e whai wāhi atu ana me ngā wāhi tiki RAT tae noa ki te 30 o Hepetema 2024.
Ka taea hoki te hoko mai ngā ārai kanohi i ngā toa hokohoko pērā i ngā taka rongoā me ngā hokomaha.
Ngā momo whakamātautau KOWHEORI-19
E rua ngā momo whakamātautau KOWHEORI-19 e wātea ana ki te iwi whānui i Aotearoa.
Ngā whakamātautau ākipaturopi tere (ngā RAT) KOWHEORI-19
Ko ngā RAT te tikanga whakamātautau matua mō te hunga kua pāngia e ngā tohumate KOWHEORI-19.
Atu ki te toru 20 meneti mō ngā otinga.
Ngā whakamātautau tauhohenga mekameka waerau (PCR)
Ka whakamahia ngā PCR i ētahi āhuatanga e ngā ngaio hauora ka tohutohu i a koe mō te whakamātautau tika mō tōu āhuatanga. E wātea anake ēnei mā te whakahau haumanu. E 2 ki te 5 rā mō ngā otinga.
Ki hea whiwhi ai i ngā whakamātautau KOWHEORI-19
Ka āhei koe ki te wehe i tō kāinga mō tētahi whakamātautau KOWHEORI-19 i a koe e noho taratahi ana mō te 5 rā kua tūtohua. Mēnā me wehe koe i te kāinga mō tētahi whakamātautau, e tūtohua ana kia mau ārai kanohi koe.
E tūtohua ana kia whai koe i ētahi RAT i te kāinga mō te whakamātautau mēnā ka pā mai ngā tohumate ki a koe, ki tētahi rānei o tō whare.
Te whiwhi kete whakamātautau kāinga RAT KOWHEORI-19 koreutu
Ka noho koreutu tonu ngā RAT tae noa ki te 30 o Hepetema 2024. Ka āhei koe ki te tiki atu i ngā RAT koreutu mō koutou ko ngā tāngata o tō whare mai i ngā taka rongoā whai wāhi mai me ngā wāhi tiki RAT.
Kimihia he wāhi kohi tūtata ki a koe — Healthpoint
Me whiwhi whakamātautau mai i tō kaiwhakarato hauora
Ka tuku pea tō kaiwhakarato hauora i ngā whakamātautau KOWHEORI-19. Me waea atu kia mōhio ai me te whai i ā rātau tohutohu. Me utu pea ētahi tāngata.
Mēnā me whiwhi āwhina koe hei tiki i ngā RAT
Ka taea pea te tono atu ngā RAT ki a koe mēnā:
- kei tuawhenua koe e noho ana
- he hauā koe
- kei te raruraru tō ārai mate
- kei te uaua ki a koe te whiwhi whakamātautau.
Kia mōhio ai mēnā ka taea te tuku ngā RAT ki tō whare me waea atu ki 0800 222 478
Me pēhea te whakamahi i tētahi whakamātautau ākipaturopi tere KOWHEORI-19
Kei roto i ngā kete RAT ngā tohutohu kei ia pouaka. Ka ārahi i a koe:
- ki te pani i tō ihu
- ki te whakaranu i te pani ki te wē
- ki te tuku i ngā pata ki te raurau whakamātautau
- kia mārama ki ngā otinga.
He rerekē ngā momo RAT. Ahakoa he āhua ōrite ngā tohutohu mō tēnā me tēnā, me mātua tirotiro i ngā tohutohu e hāngai ana ki tō kete.
Mēnā ka kitea kei te pāngia koe e te KOWHEORI-19
Mēnā kua kitea kei te pāngia koe e te KOWHEORI-19, e tūtohua kia noho taratahi mō te 5 rā i te iti rawa, ahakoa he māmā noa ngā tohumate māmā, ka tīmata i te Rā 0. Otirā mēnā kua pāngia koe e te KOWHEORI-19 i mua. Ko te Rā 0 te rā i tīmata ō tohumate, i tō pāngia e te mate rānei, ko te mea tuatahi o ēnei.
Tērā pea e pokea tonu ana te tangata e te mate i muri mai i te 5 rā. Mēnā kei te māuiui tonu koe i muri i te otinga o ō 5 rā o te noho taratahi, e tūtohu ana kia noho tonu koe ki te kāinga kia ora rā anō koe.
Me whai i ngā tohutohu mā te hunga kua pāngia e te KOWHEORI-19.
Mēnā e pāngia ana koe e te KOWHEORI-19
Mā te pūrongo i tō otinga e tohu ana kei te mate koe i roto i My Covid Record kia tūhono ai koe ki ngā āwhina me ngā tautoko mēnā e hiahiatia.
Me aha ō tāngata pānga ā-kāinga
Ka kīia hoki he pānga ā-kāinga koe mēnā kei te noho tahi koe me tētahi e pāngia nei e te KOWHEORI-19, kua tata rānei koe ki taua tangata neke atu i te 8 haora i te kāinga kotahi i te tangata rā e pokea ana.
Mēnā he pānga ā-kāinga koe, ā, ka whakaputa koe i te kotahi, neke atu rānei o ngā tohumate KOWHEORI-19, e tūtohua ana kia noho koe ki te kāinga me te whakamahi i te RAT.
Ki te kore koe e pāngia ana, engari e pērā tonu ana ō tohumate me whakamahi anō koe i te RAT kia 24 me te 48 haora i muri iho.
Mēnā kei te pāngia koe e te KOWHEORI-19, e tūtohua ana kia noho taratahi koe mō te 5 rā i te iti rawa me te whai i ngā tohutohu e hāngai ana.
Ki te kore koe e whakaputa tohumate i roto i te tekau rā whai muri i te putanga atu i te noho taratahi o te tangata o te whare i pāngia tuatahia ai e te KOWHEORI-19, kua kore koe e kīia he pānga ā-kainga.
Mēnā i pāngia koe e te KOWHEORI-19 i mua
Mēnā i pāngia koe e te KOWHEORI-19 i mua, ā, kua pā mai anō ngā tohumate, ko tō urupare kei te roa o te wā mai i tō pāngia e te mate i mua.
Tatautia ngā rā mai i te wā i pāngia koe e te mate, i pā mai ngā tohumate i mua rānei.
28 rā, iti iho rānei mai i te pāngia whakamutunga
Mēnā he iti tō mōrea ki te mate kino, ehara i te mea me whiwhi whakamātautau anō koe. Me noho ki te kāinga ki te whakaora kia eke rā anō te 24 haora e kore ana ngā tohumate i a koe.
Mēnā he mate tauroa tōu, ka hē kē atu rānei ō tohumate KOWHEORI-19, me rapu tohutohu mai i tētahi kaiwhakarato tiaki hauora, me waea koreutu rānei ki Healthline ki 0800 611 116
29 rā, neke atu rānei mai i te pāngia whakamutunga
E tūtohua ana kia whai koe i tētahi whakamātautau RAT ka noho taratahi mō te 5 rā mēnā ka kitea kei te pāngia koe e te mate, ka whai i ngā tohutohu mā te hunga kua pāngia e te KOWHEORI-19.