Te takatū mō tētahi toronga Preparing for a vaccination appointment

Ka kōrero tō kaituku rongoā āraimate ki a koe mō te rongoā āraimate, mō ngā āhuatanga hoki ka pā pea ā muri. He wā māu e patapatai atu, ā, ka pātaitia koe mēnā e pai ana ki a koe te whai i te rongoā āraimate.

I ētahi tūāhua ka mate pea koe ki te waitohu i tētahi pepa kia whakaatu ai kua whakaae koe ki te rongoā āraimate.

Ka tonoa koutou kia tatari mō ngā miniti e 20 whai muri iho i te rongoā āraimate kia mōhio pū ai kei te noho pai koe me ō tamariki.

Me whakawātea koe kia 30 ki te 45 miniti mō te katoa o te toronga rongoā āraimate. Kei roto hoki i tēnei ko ngā miniti 20 hei wā tatari whai muri iho i te rongoā āraimate.

Tukuna kia āhua roa ake te wā mēnā ka haria mai e koe nui ake i te tamaiti kotahi, i ētahi atu whānau rānei ki te whiwhi rongoā āraimate.

Mēnā he pukapuka Tamariki Ora My Health Book tāu, kawea mai ki te toronga kia pai ai te whakahou a te kaituku rongoā āraimate i te mauhanga rongoā āraimate. E pai ana ina kāore i pērā, kua tuhia hoki ngā rongoā āraimate i roto i te Rēhita Tuku Awhikiri ā-Motu.

Kōwhiria ngā kākahu e taea ai te marere, te pokapokai rānei kia pai ai te kite a te kaituku rongoā āraimate i tō kikopuku. Katoa ngā wero e tukuna nei ki ngā pēpi kāore anō kia tae atu ki te 12 marama te pakeke ka tukuna ki te kūhā. Mai i te 1 tau te pakeke o ngā tamariki, ka tukuna ngā wero ki te ringa, ki te kūhā rānei.

Kawea mai he kai, he inu rānei ka hiahia koe i te roanga o te wā o te toronga.

Mō ngā tamariki, kawea mai tā rātou tino taonga tākaro, he paraikete, he kēmu, he pukapuka rānei hei whakawai i a rātou kia pai ai te noho ā muri. 
Mēnā e āmaimai ana koe, haria mai tētahi mema o te whānau, tētahi hoa rānei hei tautoko.

Ehara i te mea me kawe mai e koe he momo ID ki te toronga.

Mēnā me panoni e koe tō toronga, waea atu ki te wāhi tuku rongoā āraimate i te wā wawe ka taea kia whakamōhio atu ai i a rātou. Mā reira e taea ai e koe te tāpui tētahi torongo hou e pai ake ana te tāima ki a koe. Ka taea hoki tō toronga o mua kia tukuna ki tētahi atu.

Mēnā i tāpui tuihono koe i tētahi rongoā āraimate mate rewharewha, KOWHEORI-19 rānei mā Book My Vaccine ka taea e koe te panoni tuihono tēnei tāpuitanga. Me whai koe i tō tohutoro tāpuitanga. Kāore e taea te panoni ngā tāpuitanga ā-rōpū ki te ipurangi - engari ka taea te whakakore.

Whakahaeretia ō toronga — Book My Vaccine

Mēnā e māuiui ana koe i te rā o te toronga

Whakapā atu ki te wāhi tuku rongoā āraimate i reira rā te tāpuitanga. Mā rātou e tohutohu mēnā ka pai tonu te tuku i te rongoā āraimate.

Mēnā kua pāngia koe e te KOWHEORI-19 ka mate koe ki te whakarite anō.

Ka whakarite ana koe i tētahi toronga, me āta whakamōhio koe i te rōpū mēnā ka hiahia pea koe, ō tamariki rānei ki ētahi atu āwhina.

Ka taea pea e rātou:

• te whakarato tētahi wāhi e māwehe ana i ētahi atu tāngata
• te tautoko i a koe mā te tiaki i ētahi atu tamariki ka haria mai e koe ki te toronga
• te whakarite te āwhina tomopai, taumatua hoki
• te whakarite tētahi toronga ā-kāinga - ka tū pea tēnei mā tētahi atu ratonga hauora.

Te kōrerorero ki te rōpū hauātanga

He rōpū motuhake mō te hauātanga tō mātou, ka taea e koe te waea atu e 24 hāora i te rā, e 7 ngā rā i te wiki

• Waea atu ki: 0800 11 12 13
• Pātuhi koreutu ki: 8988 
• Īmēra ki: access@whakarongorau.nz

Ka whakautua tō waea e tētahi tangata whai wheako, mātauranga rānei mō ngā āhuatanga whaikaha, i waenga i te 8am ki te 8pm. Whai muri i te 8pm, ka whakautua ngā waea e tētahi mema matatau o te rōpū Healthline.

Ka taea e koe te pātai atu ki a rātou mō:

• te tomopai ki ngā wāhi rerekē e tuku rongoā āraimate ana
• te whiwhi haumaru i ngā rongoā āraimate
• ngā rongoā āraimate ki te kāinga māu, mā ō tamariki rānei.

Ka kōrero tō kaituku rongoā āraimate ki a koe mō te rongoā āraimate, mō ngā āhuatanga hoki ka pā pea ā muri. He wā māu e patapatai atu, ā, ka pātaitia koe mēnā e pai ana ki a koe te whai i te rongoā āraimate.

I ētahi tūāhua ka mate pea koe ki te waitohu i tētahi pepa kia whakaatu ai kua whakaae koe ki te rongoā āraimate.

Ka tonoa koutou kia tatari mō ngā miniti e 20 whai muri iho i te rongoā āraimate kia mōhio pū ai kei te noho pai koe me ō tamariki.

Ki te mataku koe i ngā ngira

Me whakamōhio i te kaituku rongoā āraimate mēnā e mataku ana koe, tō tamaiti rānei i ngā ngira. Kua whakangungutia rātou kia pai katoa ka taea te hāneanea o tō noho. Ka taea e rātou te tuku ngā whakawai me ngā āhua ā-mahi hei whakaiti i te mamae me te āwangawanga.

He tīwhiri mō ngā rongoā āraimate pēpi, tamariki hoki

• Mā te kōrero, mā te rapoi, mā te awhiawhi i ō tamariki e āwhina ai ki te whakawai i a rātou i te wero, ā, mā aua mahi anō e whakarata ai i a rātou ā muri mēnā e auhi ana rātou. 
• Kia tau te noho. E mōhio ana ngā pēpi me ngā tamariki ki te noho āwangawanga ō rātou mātua.
• Mā te whāngai atu i tō pēpi (whāngai ū, whāngai mā te pātara rānei) i te wā o te tuku rongoā āraimate e āwhina pea kia hāneanea ake tā rātou noho.  

Ka tonoa koutou kia tatari mō ngā miniti e 20 whai muri iho i te rongoā āraimate kia mōhio pū ai kei te noho pai koe me ō tamariki.

Ka pā ngā tauhohe māmā ki ētahi tāngata whai muri iho i te rongoā āraimate. Ka puta pea he kirikā, ka rongo rānei rātou i te pāwera, i te pauku me te pūwhero i te wāhi o te wero. Koinei te urupare noa a te tinana ki te tuku awhikiri, ka mutu e whakaatu ana i te haere pai o te rongoā āraimate.  I te nuinga o te wā ka tau ngā tohumate ā muri i ētahi rā e rua.

Mēnā kāore he mate āpiti ōu ka pai noa iho hoki — e whaihua tonu ana te rongoā āraimate.

Mēnā he āwangawanga ōu mō ngā tauhohe whai muri iho i tā rātou rongoā āraimate, whakapā atu ki tō rata, nēhi rānei. Ka taea hoki e koe te waea atu ki Healthline ahakoa te wā 0800 611 116.

Ngā mate āpiti rongoā āraimate, ngā tauhohe me te haumaru