Faatonuga i le faiga o le siaki o le laualo (ga’au) Bowel screening test kit instructions
This content is available in other languages and alternate formats:
O mea umu faatatau i le su'esu'eina o le bowel
Faapefea ona faaaogā le afifi/pusa e fa’atinoina ai le su’esu’ega
1
Tāua
Fofo’e ese le pepa fa’apipi’i samasama o lo’o iai le numera fa’apitoa, mai le pepa o le maliega ma faapipii i le itu mafolafola o le fagu.
Tusi i le pepa o le maliega le aso na e fa’atinoina ai le su’esu’ega. Fa’atumu uma isi vaega o lo’o ta’ua i le pepa.
2
Fai le fe’auvai ma fa’aalu le vai o le fale’ese pe a mafai.
Tuu ni pepa o lo’o fa’aaoga mo le faleese i totonu o le ipu.
Fofola le pepa mo le fe’au mamao i luga o pepa lea ua totonu o le ipu.
3
Fai ai i luga o le pepa lea le fe’au mamao e fai ai le su’esu’ega.
Vave mimilo le tapuni e tatala ai le fagu – a o lei magoto ifo i lalo le fe’au mamao.
Sulu atu le pito o le fasilaau lanu meamata i le fe’au mamao, ina ia ufitia lelei le tumutumu o le fasilaau.
Na o sina fasi mea itiiti lava e fia su’esu’eina.
4
Toe sulu le fasilaau i totonu o le fagu. Oomi i lalo le tapuni ia gapā ia mau. O loo iai se sua manino i totonu o le fagu.
Fa’aalu le vai o le fale’ese ma fufulu ou aao. E mafai ona fa’aalu i le vai o le fale’ese le pepa na fai ai le fe’au mamao.
Tuu le fagu i totonu o le taga e fai le sipi. Oomi ia pipi’i lelei le sipi.
5
Tuu le taga fai sipi o lo’o iai le fagu ma le pepa o le maliega i totonu o le teutusi e toe lafo mai ai.
Lafo mai i le aso lava lea po’o le aso o soso’o ai auā o le faatuai ona lafo mai, e ono fa’aletonu ma faaleaoga ai le mea o lo’o fia su’esu’eina.
O e mana’omia se fesoasoani?
Fa’amolemole vala’au mai I le numera 0800 924 432 e leai sona totogi. Fa’ailoa mai le gagana e te fia saunoa ai, e mafai ona matou faatulaga se tasi e te lua talanoa i lau gagana e uiga I le su’esu’eina ole laualo (ga’au).