Te rongoā āraimate io kirikiri (shingles) Shingles vaccine

Ko te tangata kua pā kētia mai e te koroputa hei kei te noho mōrea mō te putanga atu o te mate io kirikiri hei te taipakeketanga. Ka pāngia mai te 1 o te 3 tāngata e te mate io kirikiri i te roanga o tō rātou ora.

He kōpukupuku e mamae ana te mate io kirikiri ka puta i tētahi taha o te kanohi, te tinana, te māhunga rānei.

I mua i te putanga atu o te kōpukupuku he rite tonu te pāngia o te tangata e te mamae, te mangeo, te tengatenga rānei i te wāhi e puta ai te kōpukupuku.

Ko ngā raruraru kino rawa atu ko te mamae io ka karioi pea mō ētahi marama, tau rānei, me ngā raruraru whatu ko te hua pea ko te ngaronga o te kanohi.

Ko te whakamaru pai katoa ki te io kirikiri ko te rongoā āraimate.

Rapua he kōrero anō mō ngā tohumate, ngā pūtake, me te maimoatanga.

Te mate io kirikiri

E tūtohua ana te rongoā āraimate io kirikiri mā te katoa e 50 tau te pakeke, neke atu hoki.

Hei te 65 tau

He koreutu te rongoā āraimate mō te 12 marama whai muri i tō huritau 65. Me whiwhi koe i ngā pota e 2, kia 2 ki te 6 marama te āputa kei waenganui.

Ka whiwhi ana koe i te pota tuatahi i a koe e 65 tau te pakeke, ka koreutu tonu te pota tuarua, ahakoa te whiwhi āu whai muri i te huritau 66.

Mēnā e māraurau ana koe mō tētahi rongoā āraimate koreutu, me whiwhi mai i tō nēhi, tō rata, tō kaiwhakarato hauora rānei. Kāore e utua ngā kēmihi kia tuku i ngā rongoā āraimate io kirikiri.

Mēnā kāore e 65 ō tau

Mēnā kāore e 65 ō tau, me utu koe. Ka rerekē ngā utu kei te āhua tonu o te kaiwhakarato, engari ko te matapae kei waenga i te $600 ki te $800 te utu mā ngā pota e rua.

Ko te rongoā āraimate io kirikiri e whakamahia nei i Aotearoa e kīia nei ko Shingrix. Me whiwhi koe i ngā pota e 2, kia 2 ki te 6 marama te āputa kei waenganui.

Ngā mōhiohio mō Shingrix — Medsafeexternal linkPDF (PDF 229KB)

Ka taea te rongoā āraimate io kirikiri te tuku e tō nēhi, tō rata, tō kaiwhakarato hauora, e ētahi kēmihi hoki.

Ka taea te tuku te rongoā āraimate io kirikiri i te wā kotahi me te nuinga o ētahi atu momo rongoā āraimate. Pātai atu ki tō kaituku rongoā āraimate kia mōhio ai mēnā e māraurau ana koe mō ētahi rongoā āraimate anō i te wā kotahi - pēnei i te rongoā āraimate rewharewha, KOWHEORI-19 rānei. 

Mēnā kāore he rata ōu

E tukuna ana te rongoā āraimate e ētahi kēmihi. Mēnā e māraurau ana koe, he koreutu te rongoā āraimate io kirikiri. 

Kimihia te kēmihi e pātata ana ki a koe e tuku nei i te rongoā āraimate i te paetukutuku Healthpoint. 

Ngā rongoā āraimate — Healthpointexternal link

Ka tuku ētahi whare haumanu i ngā toronga rata, nēhi hoki ki ngā tūroro kāore i whakaurua. Mēnā e māraurau ana koe mō te rongoā āraimate io kirikiri, ka koreutu tonu, engari ka mate pea tō utu i tētahi utu whakahaere. 

Ngā rata e rāhiri nei i ngā tūroro kāore i whakaurua — Healthpointexternal link

Pērā anō i te nuinga o ngā rongoā, ka pā mai pea ngā tauhohe i ngā rongoā āraimate. I te nuinga o te wā he māmā ēnei, ā, kāore e pā mai ki te katoa.

He māori noa ngā tauhohe māmā, ā, e whakaatu ana ērā i te urupare a tō pūnaha awhikiri ki te rongoā āraimate.

Mēnā ka pā mai he tauhohe ki a koe, i te nuinga o te wā ka pā mai i ngā rā torutoru tuatahi i muri i te whiwhi rongoā āraimate. Kua wehe atu te rongoā āraimate ake i tō tinana i roto i ētahi hāora, i ētahi rā torutoru rānei.

Ko te tautohe e tino kitea ana mō te tuku rongoā āraimate ko ēnei:

• tētahi kirikā māmā
• he mamae, pupuhi rānei i te wāhi i uru te ngira.

Ētahi atu tauhohe e tino kitea ana

Ētahi atu tauhohe o te rongoā āraimate io kirikiri e tino kitea ana ko ēnei:

• he ānini te māhunga
• he whakapairuaki, he ruaki, he tikotiko he mamae puku hoki/rānei
• he mamae uaua.

Ngā tauhohe pāwera

Me tino uaua te kitea ngā tauhohe pāwera kino. Tata ki te 1 te tangata anake i roto i te 1 miriona ka pāngia e tēnei.

He tino matatau tō kaituku rongoā āraimate, ā, e mōhio ana ia ki tāna e kimi nei, ka mutu ka taea e ia te whakamaimoa wawe tētahi tauhohe pāwera ki te pā mai tērā.

I te nuinga o te wā ka pā mai ngā tauhohe pāwera kino i roto i ngā miniti torutoru tuatahi whai muri iho i te tuku awhikiri, koinei te take me tatari koe mō ngā miniti e 20 whai muri iho i te whiwhi rongoā āraimate.

He mōhiohio anō

Kimihia he mōhiohio anō mō ngā mate āpiti noa, ngā mea me kimikimi, ā, me pēhea te pūrongo i ngā mate āpiti.

Ngā mate āpiti o ngā rongoā āraimate, ngā tauhohe me te haumaru