Te rongoā āraimate HPV (te huaketo papilloma tangata) HPV (human papillomavirus) vaccine

Ko tēnei rongoā āraimate e tiaki ana i te tangata i te huaketo papilloma tangata — he kāhui huaketo māori noa ka tuku i te mate ki te āhua 4 i te 5 o ngā tāngata hei tētahi wā o ō rātou ao.

Ka horapa te HPV mā te pānga ā-kiri ki te tangata.

I te nuinga o te wā ka kore koe e mōhio kua pāngia koe e te pokenga HPV, ā, i te nuinga o te wā kāore he raru. Engari i ētahi wā ka noho tonu te pokenga me te aha ka hua ake pea ētahi momo mate pukupuku hei te taipakeketanga.

Ko te mate pukupuku whare tangata te mea e tino kitea, ko te HPV te take. Nā taua huaketo e taea ai te whakaputa te mate pukupuku o te upoko me te kakī, me te mate pukupuku i ētahi atu wāhi o te tinana. Ka āhua hautoru o ngā mate pukupuku HPV e pā ana ki te tāne. Mā te HPV e puta ai pea hoki ko ngā tona taihema.

Mō ētahi atu mōhiohio mō te whakamātau wahakōpū, tae ana ki te whakamātau HPV, haere ki te paetukutuku Time to Screen.

Te whakamātau wahakōpū — Time to Screen (internal link)

He tino kawekawe te rongoā āraimate

E tino kawekawe ana te rongoā āraimate hei ārai i te pokenga mai i ngā momo e 9 o te HPV.

Nā te mea he māori noa te HPV, ko te huarahi pai katoa e tiaki ai i ō tamariki ko te whiwhi rongoā āraimate mā rātou.

He koreutu te rongoā āraimate HPV mā te hunga i waenga i te 9 tau me te 26 tau te pakeke.

Ka tāpaetia te rongoā āraimate HPV ki te mahi a te tamariki i te kura, i te nuinga o te wā ki te hunga Tau 7, Tau 8 rānei. Koinei te wā pai rawa atu mō te tuku awhikiri, nā te mea e tino whaihua ana te pūnaha awhikiri o te tamariki ki te whakaputa paturopi hei urupare ki te rongoā āraimate, ā, he karioi te whakamaru.

• Me tuku kia 2 ngā pota ki ngā tamariki i waenga i te 9 me te 14 tau te pakeke. Kua hoatu te pota tuarua kaua e iti iho i te 6 marama whai muri iho i te pota tuatahi.
• Me tuku kia 3 ngā pota ki ngā rangatahi neke atu i te 15 ngā tau te pakeke. Kua tukuna ēnei i te roanga o te 6 marama.

Ngā rongoā āraimate ā-kura

Ka toro atu ngā rōpū hauora tūmatanui ki ngā kura e whai wāhi atu ana ki te tuku rongoā āraimate ki ngā ākonga, i te nuinga o te wā, kei te Tau 7, Tau 8 rānei. Mā te kura e tuku atu he mōhiohio me ngā puka whakaae ki a koe.

Mēnā kua mahue i tō tamaiti tētahi rongoā āraimate ā-kura, whakapā atu ki tō kura kia mōhio ai mēnā ka tū anō he rā e whiwhi ai i ērā kāore anō kia whiwhi.

Te whiwhi rongoā āraimate kei waho o te kura

Ki te kore tō kura e tuku i te  rongoā āraimate HPV, kua mahue rānei tō tamaiti nā tētahi atu take, he māmā noa te whai atu mā te toronga ki tō rata, tō nēhi, tō kaiwhakarato hauora rānei.

He kōwhiringa hoki tēnei mēnā ka hiahia noho koe i te taha o tō tamaiti i te wā e whiwhi ai ia i te rongoā āraimate.

• Te tāpui i tētahi toronga whiwhi rongoā āraimate (internal link)
• Ngā wāhi e tuku ai i ngā rongoā āraimate HPV — Healthpoint (external link)
• Te whaiwhai ake i ngā rongoā āraimate kāore anō kia whiwhi (internal link)

Ko te rongoā āraimate e whakamahia nei e mātou i Aotearoa, ko Gardasil 9. Kua tukuna hei wero ki tō ringa.

Kia pai ai te whakamaru he mea nui te whiwhi i ngā pota katoa o te rongoā āraimate HPV i tūtohia.

Kāore e taea e te rongoā āraimate te whakaputa te pokenga HPV, te mate pukupuku rānei.

Kimihia ngā whakautu ki ngā pātai noa mō HPV me Gardasil 9.

Ngā pātai me ngā whakautu mō Gardasil 9 — Medsafe (external link)

Pērā anō i te nuinga o ngā rongoā, ka pā mai pea ngā tauhohe i ngā rongoā āraimate. I te nuinga o te wā he māmā ēnei, ā, kāore e pā mai ki te katoa.

He māori noa ngā tauhohe māmā, ā, e whakaatu ana ērā i te urupare a te pūnaha awhikiri o tō tamaiti ki te rongoā āraimate.

Mēnā ka pā mai ngā tauhohe ki tō tamaiti, i te nuinga o te wā ka pā mai i ngā rā torutoru tuatahi whai muri iho i te whiwhi rongoā āraimate. Kua wehe atu te rongoā āraimate ake i tō tamaiti tinana i roto i ētahi hāora, i ētahi rā torutoru rānei.

Ko te tauhohe e tino kitea ana o te rongoā āraimate ko:

• tētahi kirikā māmā
• he mamae, he pupuhi rānei i te wāhi i uru ai te ngira.

Ētahi atu tauhohe e tino kitea ana

Ko ētahi atu tauhohe o te rongoā āraimate HPV ko ēnei:

• he ānini te māhunga
• he whakapairuaki
• he ngenge
• he pōātinitini (he pai tonu te kai i mua i te tuku rongoā āraimate hei ārai atu i tēnei)
• he hīwiniwini me te mamae.

Ngā tauhohe pāwera

Me tino uaua te kitea ngā tauhohe pāwera kino. Tata ki te 1 tangata anake i roto i te 1 miriona ka pāngia e tēnei.

He tino matatau tō kaituku rongoā āraimate, ā, e mōhio ana ia ki tāna e kimi nei, ka mutu ka taea e ia te whakamaimoa wawe tētahi tauhohe pāwera ki te pā mai tērā.

I te nuinga o te wā ka pā mai ngā tauhohe pāwera kino i roto i ngā miniti torutoru tuatahi whai muri iho i te tuku rongoā āraimate. Koinei te take me tatari ō tamariki mō ngā miniti e 20 whai muri iho i te whiwhi rongoā āraimate.

He mōhiohio anō

Kimihia he mōhiohio anō mō ngā mate āpiti noa, ngā mea hei tirotiro, ā, me pēhea te pūrongo i ngā mate āpiti.

Ngā mate āpiti o te rongoā āraimate, ngā tauhohe me te haumaru (internal link)