Te tāpui i tetahi toronga whiwhi rongoā āraimate Book a vaccine appointment

Me whakapā atu ki tō rata, tō nēhi, tō kaiwhakarato hauora rānei mēnā kei a koe tētahi kia tāpuitia he toronga whiwhi rongoā āraimate. Kia kotahi ki te rua wiki te whakamahere i mua i te tāpui kia pai ai te whiwhi āu i tētahi tāima me te rā e pai katoa ana ki a koe, ki tō whānau hoki.

Mēnā kāore e taea e koe te waea atu, tirohia te paetukutuku a tō kaiwhakarato hauora mō ētahi atu kōwhiringa e tāpui ai koe i tētahi toronga.

Te tono i tētahi toronga whiwhi rongoā āraimate māu ake, mā tō tamaiti rānei. Ka mate koe ki te tuku i te ingoa me te rā whānau o te tangata ka whiwhi rongoā āraimate. Ka mōhio te kaiwharato he aha ngā rongoā āraimate e hiahia ana koe, ka taea hoki e rātou te kite āu mauhanga i te Rēhita Tuku Awhikiri.

Te takatū mō tētahi toronga  (internal link)

Te whakauru i a koe ki tētahi rata

Whakapā atu ki tētahi rata, kaiwhakarato hauora ā-takiwā rānei me te pātai atu mēnā ka whakaurua e rātau ngā tūroro hou. Ki te kore koe e mōhio pū ana ko wai ngā kaiwhakarato hauora i tō takiwā, haere ki te paetukutuku Healthpoint ki reira rapu ai. I tua atu i te whakamōhio i a koe mēnā e whakauru ana tētahi rata i ngā tūroro hou, kei Healthpoint hoki ko ngā taipitopito whakapā kia pai ai tō whakapā atu ki te kōrero mō te whakauru i tō tamaiti, i tētahi, i ētahi atu rānei o te whānau.

Te kimi i tētahi rata i tō takiwā – Healthpoint (external link)

He koreutu te whakauru mā ngā tamariki kāore anō kia tae ki te 14 tau te pakeke.

Ki te hiahia āwhina koe ki te whakauru, mā tō kaiwhakawhānau, mā te hōhipera, mā tō nēhi Tamariki Ora rānei a koe e āwhina ki te whakauru i tō tamaiti ki tētahi rata, ki te whai wāhi atu rānei ki ngā rongoā āraimate mā tētahi atu kaiwhakarato hauora.

Ki te kore koe e kimi i tētahi rata ki te whakauru i tō tamaiti, waea atu ki:

• Healthline ahakoa te wā ki 0800 611 116 (kua wātea ngā kaiwhakamāori), tērā rānei ki
• PlunketLine ahakoa te wā ki 0800 933 922.

Mā rātou koe e tūhono atu ki tētahi ratonga tuku awhikiri ā-takiwā.

Ka taea e koe te tāpui ngā rongoā āraimate katoa mā te Wātaka Tuku Awhikiri ā-Motu, ka taea hoki te tāpui ngā rongoā āraimate KOWHEORI-19 me te mate rewharewha mā Book My Vaccine. 

• Tāpui tuihonotia: Book my vaccine (external link)
• Tāpuitia mā te waea: 0800 28 29 26 — 8:30am ki te 5pm, Mane ki te Paraire, (hāunga rā ngā rā whakatā tūmatanui).

Ko ngā rongoā āraimate hāereere (hāunga rā ko ngā rongoā āraimate karawaka) me tāpui mā tō rata, nēhi, kaiwhakarato hauora, mā tētahi whare haumanu motuhake mō te hāereere rānei.

He rārangi me te mapi tō Healthpoint mō ngā wāhi e taea ai e te katoa kia whiwhi ai i tētahi rongoā āraimate. Kei roto ko ngā kēmihi me ngā rata e rāhiri nei i ngā tūroro kāore i whakaurua.

• Ko ngā wāhi tuku rongoā āraimate ka taea e te katoa — Healthpoint (external link)
• Ko ngā wāhi whiwhi rongoā āraimate mā te tamariki ka taea e te katoa — Healthpoint (external link)

Ka toro atu ngā rōpu hauora tūmatanui ki ngā kura e whai wāhi atu ana kia tukuna ai ngā rongoā āraimate HPV, te mate kauae timu, te whakapokenga korokoro me te mare tekekō — i te nuinga o te wā i te Tau 7, i te Tau 8 rānei. Mā te kura e tuku atu he mōhiohio me ngā puka whakaae ki a koe.

Mēnā kua mahue i tō tamaiti he rongoā āraimate ā-kura, whakapā atu ki tō kura kia mōhio ai mēnā ka tū anō he rā e whiwhi ai i ērā kāore anō kia whiwhi.

Ki te kore tō kura e tuku rongoā āraimate, kua mahue rānei tō tamaiti i tētahi atu take, he māmā noa te whai atu mā te toronga ki tō rata, tō nēhi, tō kaiwhakarato hauora rānei. He kōwhiringa hoki tēnei mēnā ka hiahia noho koe i te taha o tō tamaiti i te wā e whiwhi ai ia i te rongoā āraimate.

Ka taea e ngā pakeke, e ngā tamariki pakeke ake, e ngā rangatahi hoki te whiwhi ētahi rongoā āraimate kei te kēmihi tae ana ki:

• te mate rewharewha
• te karawaka, te repe hūware pupuhi me te karawaka Tiamana (MMR)
• HPV
• te koroputa hei
• te mate kauae timu, te whakapokenga korokoro me te mate tekekō (Boostrix)
• te mate meningococcal
• KOWHEORI-19.

Whakapā atu ki tō kēmihi ā-takiwā kia mōhio ai he aha ngā rongoā āraimate e tukuna nei e rātou, ā, mēnā me tāpui koe i tētahi toronga. I mua i te tāpui atu, pātai atu mēnā he utu kia utua. 

He rārangi kēmihi i tō takiwā tō Healthpoint me ā rātou taipitopito whakapā.

Te kimi i tētahi kēmihi e tuku rongoā āraimate ana i tō takiwā — Healthpoint (external link)

Ka whakarite ana koe i tētahi toronga, me āta whakamōhio koe i te rōpū mēnā ka hiahia pea koe, ō tamariki rānei ki ētahi atu āwhina.

Ka taea pea e rātou:

• te whakarato tētahi wāhi e māwehe ana i ētahi atu tāngata
• te tautoko i a koe mā te āwhina i a koe ki te tiaki i ētahi atu tamariki ka haria mai e koe ki te toronga
• te whakarite te āwhina tomopai, taumatua hoki
• te whakarite tētahi toronga ā-kāinga - ka tū pea tēnei mā tētahi atu ratonga hauora.

He rōpū motuhake mō te hauātanga tō mātou, ka taea e koe te waea atu e 24 hāora i te rā, e 7 ngā rā i te wiki

Waea atu ki: 0800 11 12 13

Pātuhi koreutu ki: 8988 

Īmēra ki: access@whakarongorau.nz

Ka whakautua tō waea e tētahi tangata whai wheako, mātauranga rānei mō ngā āhuatanga whaikaha, mai i te 8am ki te 8pm. Whai muri i te 8pm, ka whakautua ngā waea e tētahi mema matatau o te rōpū Healthline.

Ka taea e koe te pātai atu ki a rātou mō:

• te tomopai ki ngā wāhi rerekē e tuku rongoā āraimate ana
• te whiwhi haumaru i te rongoā āraimate
• ngā rongoā āraimate i te kāinga māu, mā ō tamariki rānei.

Mēnā he pātai āu, ā, e hiahia ana koe ki te kōrero ki tētahi mō ō rongoā āraimate, mō ērā o tō tamaiti rānei, ka taea e koe: 

• te kōrero ki tō rata, tō nēhi, tō kaiwhakarato hauora e whakaponotia ana, tō Mātanga Tiaki Hapūtanga (LMC), tō nēhi Tamariki Ora rānei 
• waea atu ki Healthline ahakoa te wā ki 0800 611 116 — kua wātea ngā kaiwhakamāori
• waea atu ki PlunketLine ahakoa te wā ki 0800 933 922.