Healthy Homes Initiative

Mēnā he tamariki kei tō kāinga, he iti hoki tō moniwhiwhi, mā te Healthy Homes Initiative pea koe e āwhina kia mahana ai, kia maroke ai hoki tō whare ki ngā tautoko ā-pūtea, ā-ringa, ki ngā mea e rua rānei.

This content is available in other languages:

E matea ana he kāinga ora

Ina noho kōpiripiri tātou ki tētahi kāinga e makariri ana, e haumākū ana hoki ka kaha atu te tūpono o te pānga mai o ngā mate kei raro nei ki ā tātou tamariki me ētahi atu kei te whare:

ngā mate arahau, pēnei i te pūkahu kakā me ngā mate ā-poho
ētahi atu mate ka taea te aukati, pēnei i te rūmātiki me ngā mate ā-kiri.

Mā te whakarite i tētahi kāinga e mahana ana, e maroke ana hoki e aukati atu ēnei āhuatanga, e kore ai hoki e tino kino rawa atu.

Ngā āwhina kei te Healthy Homes Initiative

He āwhina ā-pūtea, ā-ringa rānei, ko ngā mea e rua rānei kei te Healthy Homes Initiative e ora ake ai tō kāinga.

I tēnei wā, neke atu i te 200,000 ngā tāngata kua tautokona e ngā ratonga.

Ka toro mātou i tō kāinga ki te kōrero ki a koe mō ngā hiahia o tō whānau. Kātahi tātou ka mahi tahi ki te whakatika i ngā āhuatanga ka taea te whakapai ake. Ka whai wāhi mai pea:

ngā ārai matapihi
ngā uhi papa
te whakamahana i te whare
he āwhina ki te utu pire hiko
ngā whakatikatika iti
te ārai me te hauhau i te whare
ngā moenga me ngā kahu moenga
te tūtohu i a koe ki ratonga kē me e hiahiatia ana.

Te hunga e whakaaetia ana

E whakaaetia ana tō whai i ngā āwhina utukore mēnā he tamariki kei tō kāinga e noho ana, waihoki:

he Kāri Ratonga Hapori tāu, he iti rānei tō moniwhiwhi
he kirirarau, he kirinoho rānei o Aotearoa kei te kāinga e noho ana.

Ka 'āe' mai hoki koe ki tētahi o ngā pātai e whai nei.

He tāngata kua pāngia e te rūmātiki (kei te whiwhi wero bicillin) kei tō kāinga e noho ana?
Kei te hapū tētahi, he pēpi hou rānei kei te whare?
E apiapi ana te noho i te whare?
He tamariki kei waenga i te 0 me te 19 tau kei tō whare e noho ana kua uru ki te hohipera nā te pānga mai o te pūkahu kakā, te mate pekahau ririki, te rūmātiki, te kiriuhi uakakā rānei?
Kei te whiwhi takuhe tō whānau?

Ki te kore koe e mōhio mēnā rānei koe e whakaaetia ana, titiro ki te rārangi o ngā kairatonga, ā, waeahia te mea e tūtata ana ki a koe. Ki te kore rātou e āwhina i a koe mā te Healthy Homes Initiative, mā rātou koe e whakamōhio mō ētahi atu tautoko me ētahi atu hononga e wātea ana pea ki a koe.

Toro mai hoki ki 'Keeping your home healthy' mō ētahi kōrero e pā ana ki ngā mahi ka taea e koe anō e pai ake ai tō kāinga.

Keeping your home healthy

Te ara tono

E āhei ana koe ki te tono i te Healthy Homes Initiative, ā, e āhei ana hoki tō tūtohu i ētahi atu kāinga tūtahi me āwhina atu.

E wātea ana te Healthy Homes Initiative ki ngā whānau e whakaaetia ana, puta noa i Aotearoa. E whakaatu noa ana ngā wāhi kei raro nei i ngā wāhi kei reira ngā tari.

Kōwhiria te kaiwhakarato e tūtata ana ki a koe, ā, whakakīia te puka, waeahia rānei te kaiwhakarato ki te tau waea e rārangi iho nei.

Mēnā koe he kaiwhakarato hauora e tūtohu ana i tētahi whānau, tuhia mai tēnei i te puka tūtohu, tuhia mai hoki tō ingoa me tō tau waea.