Healthy Homes Initiative

Afai e iai se fanau iti i lou maota ma vaivai le tupe maua, o le polokalame e ta’ua o le Healthy Homes Initiative e ono mafai ona fesoasoani e faamafanafana ma faamago lou fale e ala lea i se fesoasoani tau tupe, i ni auala e faatino ai ia tulaga ia po o vaega uma ia e lua.

This content is available in other languages:

Aisea e tatou te manaomia ai maota e malu mo le soifua malōlōina

O le nonofo i maota malūlū, susū, tumutumu e maualuga ai le aafia o le fanau iti, faapea ma isi o le aiga, i le mauaina i ma‘i e iai:

faaletonu i le mānava e pei o le niumōnia ma ma‘i ogaoga o le fatafata vaivai
ma isi ma‘i e mafai ona vao‘ia pe taofia e pei o le fiva rumatika ma faama’i o le pa’u.

O le faamafanafanaina ma le faamagoina o lou maota e fesoasoani lea e fo‘ia ia ma‘i ma taofia le faasolo atu i tulaga tugā.

O tulaga e mafai ona fesoasoani atu ai le Healthy Homes Initiative

O le Healthy Homes Initiative e mafai ona tuuina atu ai se fesoasoani tau tupe, faatino mea e fesoasoani atu po o mea uma nei e lua ina ia malu mo le soifua malōlōina lou maota.

I le taimi nei, ua silia ma le 200,000 tagata o aiga ua mafai ona fesoasoani atu iai.

O le aufaigaluega o le a asiasi atu i lou maota, ma talanoa ma oe i mea o manaomia e lou aiga, ona outou galulue faatasi lea i mea e tatau ona faaleleia. O nei mea e aofia ai:

ie pupuni o faamalama
mea e ufi ai fola o fale
masini faamafanafana
fesoasoani i le pili o le paoa
vaega laiti e fia faaleleia
faamafanafana ma maua se ea fou i taimi uma
moega ma ie moega
fesootai atu i isi auaunaga mo oe pe a manaomia

O ai e agavaa

E te agavaa i fesoasoani maua fua pe afai e iai se fanau iti o tou nonofo faatasi i lou maota ma:

e iai lau Community Services Card, pe vaivai lau tupe maua
e iai se tagata sitiseni Niu Sila po o se tagata e nofo mau i lou maota.

Ma ua e tali mai i le ‘ioe’ i se tasi o mea nei o le a ta‘ua

E iai se tasi e maua i le fiva rumatika (o loo faia tui bicillin injections) e nofo i lou maota?
E iai se tinā ma‘itaga po o se pepe fou i lou maota?
E tumu lou maota i tagata o loo tou nonofo faatasi?
E iai ni tamaiti i le va o le 0 ma le 19 tausaga le matutua o nonofo i lou maota, sa aveina i le falemai i taimi ua mavae ona o ma‘i e pei o le niumōnia, faaletonu māmā, fiva rumatika, fiva fai‘ai?
O mauaina e lou aiga se penefiti?

Afai e te lē mautinoa pe e te agavaa, e mafai ona e faasolo ifo i lalo i le lisi o auaunaga fesoasoani ma telefoni le e latalata ane ia te oe. Afai e le mafai ona latou fesoasoani atu e ala i lenei polokalame o le Healthy Homes Initiative, e mafai ona faailoa atu ia te oe nisi fesoasoani ma e latou te silafia e ono avanoa.

E mafai fo‘i ona e asiasi i le upega tafailagi o le ‘Tausiga o lou maota ia malu mo lou soifua malōlōina’ mo fautuaga i mea e ao ona e faia, e faatino ai nei suiga i lou maota.

Tausiga o lou maota ia malu mo lou soifua malōlōina

E faafefea ona talosaga

E mafai ona e talosaga mo le Healthy Homes Initiative mo oe lava ia faapea foi ma isi aiga o loo manaomia le fesoasoani.

O le Healthy Homes Initiative e agavaa ai aiga i soo se aai i Niu Sila, o nofoaga o loo lisi atu i lalo e faailoa atu ai le mea o iai ofisa.

Filifili le auaunaga fesoasoani o loo latalata ane i le mea o loo e nofo ai ma faatumu lau pepa talosaga i luga o le upega tafailagi pe telefoni foi le auaunaga fesoasoani i la latou telefoni o loo lisi atu.

Afai o oe o se auaunaga faalesoifua malōlōina o lo o e faato‘aia se talosaga a se aiga, faailoa mai lenei mea i luga o le pepa talosaga, o lou suafa ma le numera o le telefoni.

Pepa faatumu mo le Healthy Homes Initiative

If you do not see a location where you live, select the closest provider. Our service operates across the entire country.

Pepa faatumu mo le Healthy Homes Initiative

O numera telefoni a auaunaga fesoasoani

Afai e manaomia se fesoasoani i lou aiga na tuuina mai, pe e le o mautinoa pe e te agavaa, e mafai ona e telefoni le auaunaga fesoasoani o latalata ane ia te oe.

Open all