Te āhua o tā mātou whakahaere me te whakamahi i ō mōhiohio hauora How we manage and use your health information
E whai wāhi nei te Ratonga Hauora ā-Iwi o Tāmaki Makaurau (ARPHS) ki te mahi aukati me te whakaiti i te hōrapatanga o ngā mate hōrapa. Ka uru ki tēnei te whakahaere uiui me te hunga e pāngia ana (te hunga e pāngia ana, tērā pea e pāngia ana e te mate hōrapa) me ngā pānga ā-mate (te hunga mōrearea kei pāngia e te mate hōrapa i tētahi atu), te whiwhi rānei, te rokiroki rānei i ngā mōhiohio hauora mai i ētahi atu mātāpuna.
This content is available in other languages:
E tiakina ana ō mōhiohio i raro i te Health Information Privacy Code me ētahi atu ture.
Ko ngā mōhiohio i kohia i ngā uiui, i tētahi atu tikanga rānei, ka whakamahia anake ki te ārai atu i te hōrapatanga o ngā mate hōrapa, otirā kia noho haumaru te tangata.
Ka puritia ngā mōhiohio ka kohia e ARPHS me Te Ratonga Hauora Tūmatanui āMotu, otirā he wāhanga o Te Whatu Ora – Health NZ.
Ka hiahia pea a ARPHS ki te toha i ngā mōhiohio i kohia ki ētahi atu kei roto i te mahi whakahaere mate hōrapa, pēnei i tō tākuta, ētahi atu ratonga hauora rānei. Ka tohaina anake e mātou ēnei mōhiohio mō te take o te whakahaere i te mate.
Tērā pea ka tukuna ētahi mōhiohio, pēnei i ngā wāhi, ngā kaupapa kua tae atu koe. Hei āwhina tēnei ki te rapu i te hunga i whai pānga ki a koe. E kore ō mōhiohio whaiaro e tukuna.
Ka whai wāhi koe ki ō mōhiohio hauora ina hiahia koe, otirā me te tono kia whakatikahia mēnā e whakaaro ana koe he hē, he māminga rānei.
Ka taea e koe te tuku i ō māharahara mō te matatapu o ō mōhiohio hauora ki te Āpiha Matatapu e tika ana, ki Te Mana Mātāpono Matatapu rānei.
He mea nui tonu ngā mōhiohio e tono ana mātou ki te whakahaere i te hōrapatanga o te mate hōrapa. Ki te kore koe e tuku mai i aua mōhiohio, ka uaua ake pea te whakahaere i ēnei mate. I ētahi wā, ka hiahia mātou kia tukuna mai e koe ēnei mōhiohio i raro i te Ture Hauora.