Ngaahi fakahinohino ki he nāunau sivi ‘o e ngākau lahí (bowel) Bowel screening test kit instructions
This content is available in other languages:
Founga hono ngāue‘aki ‘o ho‘o nāunau siví
1
Mahu‘inga
Tatala ‘o to‘o ‘a e pākouti kuo fakapipikí meí he foomu fakangofuá pea fakapipiki ia ki he tafa‘aki lafalafa ‘o e fo‘i hina tiupí.
Tohi‘i ‘a e ‘aho na‘e fai ai ho siví ‘i he foomu fakangofuá. Fakafonu ‘a e toenga ‘o e foomú.
2
Fakahoko ha‘o tu‘u ofi (pee) pea tukuange ‘a e toiletí (flush) kapau te ke lava ia.
Tuku hifo ha pepa toileti ki he loto‘i toiletí (pō).
Hili hifo ‘a e lau‘i pepa ki he me‘i tu‘u mama‘ó (sheet) ‘i he funga pepa toiletí.
3
Fakahoko ha‘o tu‘u mama‘o ‘i he funga lau‘i me‘a siví.
Vete‘i vave ‘a e tāpuni ‘o e fo‘i hina tiupí – kimu‘a ke ngoto hifo ‘a e tu‘u mama‘ó.
Hunuki hifo ‘a e mui‘i va‘akau lanumatá ki he tu‘u mama‘ó, ke kāpui ‘a e mui‘i va‘akaú.
‘E fiema‘u pē ke ke ‘omai ha ki‘i me’i tu’u mama‘o si‘isi‘i.
4
Fakafoki ‘a e va‘akaú ki loto ‘i he fo‘i hina tiupí. Lomi‘i hifo ‘a e tāpuní ki lalo ke mapuni ‘o kiliki. ‘Oku ‘i ai ha huhu‘a lanuma‘a ‘i loto ‘i he fo‘i hina tiupi ke fa‘o ki ai ho me‘i tu‘u mama‘ó.
Tukuange ‘a e toiletí pea fanofano ho ongo nimá. ‘E lava ke tukuange ai foki mo e lau‘i pepa ki he me‘i tu‘u mama‘ó.
Fa‘o ‘a e fo‘i hina tiupí ki loto ‘i he k‘i‘i tangai sipa‘i-malú. Lomi‘i ‘a e sipá ke mapuni mo malu lelei.
5
Fa‘o ‘a e ki‘i tangai sipa‘i malú ‘oku ‘i ai ‘a e fo‘i hina tiupí mo e foomu fakangofuá ki loto ‘i he sila fakafokí.
Lī fakafoki mai leva ‘a e siví ‘i he ‘aho tatau pe ‘aho hono hokó he ‘e lava ke uesia ho‘o me‘i tu’u mama‘ó ‘i hano toloi.
Fiema‘u ha tokoni?
Kātaki ‘o telefoni ta‘etotongi ki he 0800 924 432. Fakahā mai kiate kimautolu ‘a e lea fakafonua ‘okú ke fie faka‘aonga‘i, pea te mau ala fakafehokotaki atu ha taha ke talanoa atu fekau‘aki mo e sivi ‘o e ngākau lahí ‘i ho‘o lea fakafonuá.