Healthline
Waea ki Healthline
Ka taea e koe te waea koreutu atu ki Healthline ahakoa te wā ki 0800 611 116
- Kei a koe te tikanga ki te kōrero ki tētahi mātanga haumanu Māori mēnā ki te waea koe i waenga i te 8am me te 8pm.
- E wātea ana ngā ratonga whakawhiti reo, me te tautoko a NZ Relay.
Me rapu tohutohu hauora tohunga
Ko tā Healthline he tuku i ngā tohutohu hauora mai i ngā mātanga hauora.
Kei Healthline tētahi kāhui tautōhito kua whai wheako ki ngā wāhi me ngā tūranga maha — tae atu ki ngā nēhi, ngā manapou tata, ngā kaitohutohu hauora me ngā rata.
Waea ki Healthline:
- mō ētahi tohutohu e pā ana ki a koe me ngā mahi hei whai
- mēnā kāore ō rata arowhānui, kāore rānei e taea e koe tētahi
- mēnā kei te hiahia tohutohu rongoā koe
- mēnā kei te māharahara koe, kei te manawarau rānei mō tō hauora, te hauora rānei o tētahi atu.
Ka aha i te wā ka waea atu koe ki Healthline
I te wā ka waea atu koe ki Healthline, ka pātai rātou he aha tō mate, ka pātai rānei ki te take o tō waeatanga atu. Ka tono pea kia tukua e koe he whakaahua, he ataata rānei o te take i waea atu nā koe, hei āwhina i a rātou kia mārama ki tō take.
Ka taea e rātou te aromatawai i ō tohumate me te tūtohu i te tikanga pai rawa hei whai māu. Tērā pea ko:
- te tiaki i a koe anō, te tangata rānei e māuiuitia ana i te kāinga
- te kōrero ki tētahi rata o Healthline
- te haere ki te tiro i tō rata
- te aroturuki i ngā tohumate
- te haere ki te whare hauora ohotata, te hōhipera rānei.
Mā rātou koe e āwhina ki te kimi i ngā ratonga hauora tūtata ki a koe, mō ngā haumanutanga e tika ana, hei tauira:
- he ratonga rata arowhānui tuwhera i te pō
- he taiwhanga hōhipera ohotata
- he kēmehi
- he taiwhanga niho tuwhera i te pō.
Ka taea e Healthline te tūhono i a koe ki tētahi ratonga waka tūroro ki te hiahiatia. He koreutu ngā waka tūroro i te rohe o Te Whanganui-a-Tara. I ētahi atu rohe o te motu, me utu ngā tūroro i a Hato Hone mō ētahi o ngā momo take waka tūroro.
Ngā kōwhiringa whakawhiti kōrero
Ki te hiahia kōrero koe i tōu ake reo
E wātea ana ngā kaiwhakawhiti reo — ka taea e te kāhui o Healthline te whakarite ki te kōrero ki a koe i roto i tōu ake reo.
Ina waea atu koe, me whakamōhio atu i tō hiahia ki tētahi kaiwhakamāori ā-waha me te reo ka kōrerotia.
Mēnā he Turi koe, he waimaero turi, he Turi me te Kāpō, he waimaero ā-kōrero rānei tōu
Ka taea e te kāhui o Healthline te whai wāhi atu ki ngā Ratonga NZ Relay hei tautoko i a koe. Ka wātea noa iho a NZ Relay Services i ngā haora whāiti.
NZ Relay Services (external link)
Mehemea ehara tō kaupapa i te take whitawhita — whakarita kia whakahokia tō waea
Ki te kore koe e hiahia āwhina wawe, ka taea e koe te tono i tētahi o te kāhui o Healthline kia waea atu anō ki a koe.
Ka taea e koe te tono whakahokinga waea ināianei ki te taupānga hauora.
Tono whakahokinga waea — Healthinfo (external link)
Kōwhiri ki te kōrero ki tētahi kaihaumanu Māori
Mai i te 8 am ki te 8 pm ka taea e koe te kōwhiri ki te kōrero ki tētahi kaihaumanu Māori.
Mō Healthline
E tautokona ana a Healthline e Te Whatu Ora i te taha hoki o Te Aka Whai Ora. E whakaratoa ana e Whakarongorau Aotearoa.
Whakapā atu ki — Whakarongorau Aotearoa (external link)
Tō matatapu me ō mōtika
He ōrite tonu ngā mōtika a te hunga whakamahi i ngā ratonga tohutohu ā-waea ki ō ētahi atu kiritaki o ngā ratonga hauora.
Pānuitia ngā kaupapahere matatapu a Whakarongorau ki tā rātou paetukutuku.
Ētahi atu tautoko
Vaccination Healthline
Rapu tautoko mō ngā kano āraimate KOWHEORI, te rewharewha, te karawaka me te mare tekekō. E wātea ana mai i te 8am ki te 6pm, Mane ki te Paraire.
Waea: 0800 28 29 26
Disability Helpline
Hei tautoko i te Hapori Whaikaha ki ngā whakamātautau KOWHEORI, ngā wāteatanga mau maruhā, te whakahaere KOWHEORI i te kāinga, me ngā āwangawanga hauora whānui.
Ka whakautua tō waea e tētahi tangata whai wheako, mātauranga rānei o ngā āhuatanga whaikaha, i waenga i te 8am ki te 6pm, Mane ki te Paraire. I waho ake o aua wā, ka whakautua ngā waea e tētahi mema matatau o te kāhui o Healthline.
Waea: 0800 11 12 13
Pātuhi: 8988