Tuipuipui faaopoopo COVID-19 COVID-19 vaccines additional doses

E faasolo na tuuitiitia le malosi o puipuiga mai le tuipuipui na fai.

A fia tausisia le malosi o puipuiga o lou tino, ona fai lea o tuipuipui e faatuputeleina le malosi o lou tino — e aofia ai tui faaopoopo. E tuuitiitia ai avanoa e te tigaina tele ai pe a e maua i le COVID-19 ma tulaga e ave ai oe i le falemai.

Na amata faaaoga le tuipuipui Pfizer XBB1.5 mai le aso 7 Mati 2024. O le ituaiga fou lea o le tuipuipui e patino lava i siama o le Omicron. E fai fua tuipuipui COVID-19.

E gaosia e le tuipuipui le malosi o le tino e tali atu ai i le  XBB.1.5, o isi siama o le Omicron.

Ua faaalia mai faamaoniga ua maua i le taimi nei e sili atu na aogā le tuipuipui i isi siama o le Omicron faatusa i isi tuipuipui na fai muamua. 

Afai ua atoa lou 30 tausaga ma luga atu, e mafai na fai se tui faaopoopo ma e lē faitauina ai isi mau tuipuipui ua uma na fai. E fautuaina:

• lou faatali seia tau le 6 masina talu na e maua i le COVID-19
• atoa le 6 masina talu na fai lou tuipuipui COVID-19.

E pito tele na fautuaina tui faaopoopo mo:

• tagata ua atoa le 65 tausaga ma luga atu le matutua
• tagata Māori ma tagata Pasifika ua atoa le 50 tausaga ma luga atu le matutua
• tagata o tausi i nofoaga mo tagata matutua
• tagata e matuai faaletonu le malosi o puipuiga o le tino e tetee atu ai faamai 
• tagata ua atoa le 12 tausaga ma luga atu le matutua o maua i se faamai e tigaina tele ai pe a maua i le COVID-19. 

E mafai e le au malolosi ua atoa le 16 i le 29 tausaga le matutua na fai le tui faaopoopo e 1.

A fia fai se tui faaopoopo: 

• e tatau na fai muamua uluai tuipuipui o le COVID-19
• E fautuaina lou faatali mo le 6 masina talu na fai lou tuipuipui mulimuli o le COVID-19 po o le pesia ai.

Tui faaopoopo mo ē i le va o le 16 i le 19 tausaga le matutua e pito sili ona lamatia

E mafai na fai tui faaopoopo mo nisi i le va o le 16 i le 29 tausaga le matutua.

E aofia ai:

• tagata e matuai faaletonu le malosi o puipuiga o le tino e tetee atu ai faamai 
• fafine maitaga
• o ē maua i se faamai e tigaina tele pe a maua i le COVID-19
• o ē iai manaoga faapitoa faatasi ma le mau faaletonu po o manaoga faalesoifua maloloina. 

E lē agavaa tamaiti malolosi i lalo ifo o le 16 tausaga le matutua mo tui faaopoopo. 

O tupulaga mai le 12 i le 15 tausaga le matutua o maua i se faaletonu o le tino e tigaina tele pe a maua i le COVID-19, e mafai na fai tui faaopoopo, e aofia ai fafine maitaga.

Talanoa i lau fomai, tausimai, po o le vaega faalesoifua maloloina pe fautuaina tulaga nei mo oe.  

E mafai na fai tuipuipui o tamaiti i lalo ifo ma le 12 tausaga le matutua.

E mafai na e talanoa i lau fomai, tausimai po o le vaega faalesoifua maloloina e tusa ma tulaga e patino i lou alo.

E tau lē maua tamaiti i se tulaga e tigaina tele ai ma moomia na ave i le falemai pe a pesia i le COVID-19.

E maua i le My Health Record le aso na fai ai lou tui mulimuli.

Tagai i le My Health Record (external link)

Valaau le COVID Vaccination Healthline pe a sili ai le faailoa atu i luga o le telefoni. E mafai na vili i ai mai le 8.30am i le 5pm, Aso Gafua i le Aso Faraile (se'i vagana aso malolo faalemalo).

Valaau: 0800 28 29 26

E lē tutusa puipuiga pe a maua i le COVID-19 faatusa i tui e fai e puipuia ai.

Afai na e maua i le COVID-19 ma e te agavaa mo se tui faaopoopo, e fautuaina lou faatali mo le 6 masina talu mai le vaitaimi na faamaonia ai ua e maua i le faamai.

Mafuaaga e tatau ai ona iai se va o le taimi e te faatali ai mai le taimi na e pesia ai ma le taimi e fai ai tui

A mavae le vaitaimi na e maua ai i le COVID-19 ona faateleina lea o le maualuga o polotini i le toto e puipuia oe mai le faamai ua aafia ai. O natura masani lea o le tino e maua ai se vaega o puipuiga mai le COVID-19.

A mavae le 6 masina, ona tuuitiitia lea o le maualuga o polotini i le toto e puipuia oe, ma afai o faatali se avanoa e fai ai se tuipuipui, ona talafeagai lea le fai o se tui e toe tului ai lou malosi.

Ailoga e aogā lelei se tuipuipui e vave fai pe afai e le i leva tele atu na e pesia i le COVID-19, talu ai o lena e maualuga polotini i le toto e puipuia oe mai faamai.

A faapea e te maua i se tulaga e te tigaina tele ai pe a pesia i le COVID-19, matou te fautuaina lou talanoa i lau fomai po o se fomai faapitoa mo se fautuaga i le umi e faatali ai le fai o le isi tui. Atonu e sili na talafeagai le vave fai o lou tuipuipui COVID-19 a o le i tau le 6 masina.