Tuipuipui misela, mami, ma le rupela (MMR) Measles, mumps and rubella (MMR) vaccine

E maualuga tulaga e pepesi ai le misela i Aotearoa Niu Sila. E mafai na e pesia i le misela pe afai e le i faia tuipuipui e 2, pe le i maua foi i le misela. E fai fua tuipuipui o le misela (MMR) mo tamaiti uma mai le 18 ma lalo ifo tausaga le matutua, ma tagata matutua uma ua ova atu ma le 18 tausaga e agavaa mo le maua fua o tausiga faalesoifua maloloina i Niu Sila.

This content is available in other languages:

Maualuga tulaga e pepesi ai le misela

Na faamauina i Aotearoa Niu Sila i le tausaga nei nisi na maua i le misela.

E lē o taitai lava le toatele o tagata ua fai tuipuipui, ua lava le tagata toatasi e maua ai e sasao ai le misela.

E lelei le puipuia o le 95% o tagata e taofia ai le pepesi o le faamai. E puipuia ai foi pepe e le i taitai na matua lelei e fai tuipuipui, ma tagata e matuai faaletonu puipuiga malosi o le tino.

E tusa ma faatusatusaga masani, e maua le 95% o puipuiga mai le misela i le tui e 1, ma e sili atu ma le 99% puipuiga mai tui e 2.

O tulaga e puipuia ai oe e le tuipuipui MMR

E puipuia tagata i le tuipuipui MMR mai siama e 3 — misela, mami ma le rupela.

Misela

O le misela o le tasi lea o faamai sili ona matautia ma pepesi gofie. Afai e le i faia sou tuipuipui ma na e fesootai ma se tasi ua maua ai, o lona uiga e te ono pesia ai ma e faapepesi atu i isi.

E mafai na pata le tino i le misela, faalogoina auga tai pei o le fulū, po o isi faaletonu ogaoga e pei o le fula o le faiai, faaletonu le fatafata, pe maliu ai.

E mafai na e tigaina tele ai ma afaina ai lau pepe, pe afai o e maitaga.

Faitau faamatalaga i auga, pepesi ma togafitiga.

Misela (internal link)

Mami

E pepesi gofie le mami e mafua mai se siama. E mafai na fufula ai vaega o foliga e gaosia ai fāua.

E iai tulaga e seāseā tupu, e matuai faaletonu ai e pei o le leaga ai le faalogo, afaina ai puipui o le faiai ma le ivitu (fiva faiai, po o le mu ai o le faiai).

Na sasao le mami i Aotearoa Niu Sila i le 2017. Na faatoa mou ese atu le faamai i le vaitaimi muamua o le vavao COVID-19 talu ai ua leai ni tagata feoai e faigofie na pepesi ai.

Faitau faamatalaga i auga, pepesi ma togafitiga.

Mami (internal link)

Rupela

E feololo le mama'i ai o tamaiti i le rupela pe a vaaia le pata i le tino. A e maua ai a o e maitaga, e mafai ona oo i se tulaga e faaletonu ai le tino o pepe e pei o le faipe, faaletonu o le fatu, ma afaina ai lona faiai.

Faitau faamatalaga i auga, pepesi ma togafitiga.

Rupela (internal link)

Vaitaimi e fai ai le tuipuipui MMR

Open all

E ono fautuaina le fai o se tui faaopoopo e fai fua o le tuipuipui MMR i se taimi vave mo tamaiti mai le 6 faasolo atu i le 11 masina le matutua, pe afai ua pepesi le misela, po o fuafua foi e malaga i se atunuu o pepesi ai le misela. Talanoa tulaga nei ma lau fomai, tausimai po o le vaega faalesoifua maloloina o vaaia oe.

E tāua tele le fai pea o isi tui e 2 na fuafuaina e fai pe a atoa lona 12 masina ma le 15 masina o lona matua.

E fai fua le tuipuipui MMR mo tamaiti ua atoa le 12 masina ma le 15 masina tausaga le matutua.

Afai na misi le tuipuipui MMR mo si au tama e leai lava se tupe e totogi e fai ai le tui ua misi.

E tatau na fai loa tuipuipui, pe afai e te lē o mautinoa pe ua uma na fai tui e 2. E leai se afaina o le faaopoopo o tui e fai.

O le toatele o tagata matutua ma tupulaga na fananau i le va o le 1989 ma le 2004 i Aotearoa Niu Sila e le i faia tuipuipui e puipuia ai mai le misela.

E tatau na fai tuipuipui mo tagata matutua e puipuia ai i latou lava mai le MMR ma puipuia ai isi tagata.  E tatau na fai tui e 2, e 4 vaiaso e va ai, e maua ai le puipuiga sili.

Faafesootai lau fomai, tausimai, po o le vaega faalesoifua maloloina e te iloa ai pe na fai ou tuipuipui.

Afai e te lē o maua se faamaoniga e iloa ai pe na fai ou tuipuipui, e fautuaina le fai loa tuipuipui i se taimi vave e mafai ai. E leai se mea e aafia ai pe a faaopoopo se isi tui o le MMR — e tāua lou iloa na fai au tui e 2.

E fai fua le tuipuipui MMR:

  • mo tagata uma mai 18 ma lalo ifo tausaga le matutua (e lē faitaulia ai tulaga o se visa po o se sitiseni) ma
  • tagata e agavaa mo le maua fua o tausiga faalesoifua maloloina i Niu Sila.

Tulaga e agavaa ai mo auaunaga e faatupeina e le malo ma auaunaga mo manaoga faapitoa — Health New Zealand (external link)

E lē moomia le fai o tuipuipui misela mo le toatele o tagata na nonofo i Niu Sila a o le i aulia le 1969. O le vaitaimi lea na matuai pepesi ai le misela ma afai na e pesia ai o lona uiga ua e puipuia ai. Peitai, e fautuaina lou talanoa i le vaega faalesoifua maloloina o vaaia oe pe afai o e malaga i atunuu mamao, talu ai e ono moomia le fai o se tuipuipui e mautinoa ai ua e puipuia mai ai.

E lē mafai na fai tuipuipui MMR mo soo se tasi e matuai vaivai puipuiga o le tino mai faamai — mo se faataitaiga, tagata o fai togafitiga mo le kanesa.

E tāua le fai e tagata uma o le aiga o le tuipuipui MMR e puipuia ai tagata e vaivai puipuiga o le tino mai faamai.

Afai ua pesia nisi i Aotearoa Niu Sila i le misela, e fautuaina tagata e faaletonu puipuiga malosi o le tino e fai tulaga uma e tausisia ai le saogalemu — aua le feoai i nofoaga e tumutumu ai tagata.

E faailoa atu auala e tausisia ai le saogalemu o si au tama, pe a pesia nisi i le aoga po o le aoga amata i le misela.

E lē mafai na fai le tuipuipui MMR pe a e maitaga. E leai se tau o lou sogasogā e saili se faamaoniga pe ua e puipuia mai le misela ma le rupela, pe a fuafua e fai se pepe. Afai e le i puipuia oe mai le misela po o le rupela, e fai fua tuipuipui pe afai e le i atoa lou 18 tausaga po o ua ova atu ma o se tagata nofomau Niu Sila.

A fanau lau pepe, e fautuaina le fai o lau tui e lē totogia e puipuia ai mai le misela, mami ma le rupela (MMR). E tatau na fai lau tuipuipui i se taimi vave e mafai ai.

Maitaga ma tui e puipuia ai (internal link)

Afai o e faimalaga i atunuu o pesia ai le misela, e tāua tele le fai o tuipuipui MMR e puipuia ai oe ma lou aiga.

Tagai i le upegatafailagi e te iloa ai lipoti lata mai o faamai o pepesi.

Global Measles Outbreaks — Centers for Disease Control and Prevention (external link)

Faatonu se avanoa e fai ai le tuipuipui MMR

E faigofie ma e fai fua tuipuipui o le misela, mami, ma le rupela.

Mo tagata mai le 13 tausaga ma luga atu le matutua

E mafai na faatonu avanoa e fai ai tuipuipui mo tagata taitoatasi po o se vaega toatele mai le 13 tausaga ma luga atu le matutua i le initaneti po o le telefoni.

Mo tamaiti i lalo ifo ma le 13 tausaga le matutua

Faafesootai le tou fomai masani, tausimai, po o le vaega faalesoifua maloloina e faatonu ai se avanoa mo se tasi e le i atoa le 13 tausaga.

E tele faletalavai e mafai na fai ai tuipuipui MMR mo tagata ua ova atu ma le 3 tausaga le matutua. Tagai i le Healthpoint e te iloa ai se faletalavai o lata ane.

Faletalavai o maua ai tuipuipui MMR — Healthpoint (external link)

E iai nofoaga e mafai na fai ai tuipuipui mo se vaega toatele. Faafesootai lau fomai, tausimai, vaega faalesoifua maloloina, po o le faletalavai e te iloa ai pe mafai na fai faatasi tuipuipui a le tou aiga.

Faamatalaga faaopoopo i le faiga e faatonu ai avanoa ma auaunaga tau lagolagosua

Faitau faamatalaga i auala e faatonu ai le fai o se tuipuipui, po o le fia maua o se lagolagosua e patino i tulaga o e moomia.

O le ituaiga tuipuipui e fai

O le tuipuipui Priorix lea e faaaoga i Niu Sila. E 2 tui e moomia mo le puipuiga sili e va i le 2 masina le faiga e puipuia ai mai le misela, mami ma le rupela.

E faigata na faaeseese faamai nei. Mo se faataitaiga, e leai se tuipuipui e patino 'na o le misela' o maua i Niu Sila.

O le Priorix o se tuipuipui ola. E filogia tuipuipui ola i siama ua tuuitiitia le malosi e lē mafai ai ona maua i le faamai. Ua lava se vaega iti o le siama e faaeneenea puipuiga malosi o le tino.

E lē o maua i le tuipuipui Priorix mea e gaosia mai puaa.

Faamatalaga Priorix – Medsafe (PDF 276KB) (external link)

Aafiaga ma tulaga e ilitata ai le tino

E pei lava o le tele o isi fualaau, e iai taimi e ilitata ai le tino i tuipuipui. E feololo, ma e lē aafia ai tagata uma.

E lē o se mea ese le feololo o tulaga e maua ai ma o foliga na e iloa ai o lo o aogā le tuipuipui e faatupu ai le malosi i lou tino.

E masani na e vaaia se mea ua ilitata ai lou tino i uluai aso talu na fai le tuipuipui, pe afai o se tulaga lea e te maua ai. E faitau itula po o aso foi e amata mou ese atu ai le tuipuipui mai lou tino.

O aafiaga sili na taatele o se tuipuipui e aofia ai:

  • feololo le fiva
  • tiga pe fula le vaega o le tino na tui.

Isi faaletonu

Isi faaletonu masani o le tuipuipui MMR e aofia ai:

  • pata feololo — mai le 6 faasolo atu i le 12 aso talu na fai le tuipuipui
  • maualuga le fiva — ova atu ma le 39°C mai le 6 faasolo atu i le 12 aso talu na fai le tuipuipui
  • fufula vaega o le foliga e gaosia ai fāua e pei o alafau, ua, po o lalo o le auvae
  • tiga sooga ponaivi mo se vaitaimi lē tumau — 2 i le 4 vaiaso talu na fai le tuipuipui.

O le isi aafiaga e seāseā tupu o le totolia e amata aliali i le 15 aso faasolo atu i le 6 vaiaso talu na fai le tuipuipui. E feololo, ma e masani ai le mou ese atu i totonu o le 6 masina.

Aafiaga o mea e ilitata ai le tino

E seāseā aliae aafiaga o mea e ilitata leaga ai le tino. Na o le 1 mai le 1 miliona tagata e maua ai.

Ua aoaoina atoatoa lelei le tagata o faia lou tuipuipui ma iloa auga e vaavaai ma vave togafitia se mea ua ilitata ai le tino.

O tulaga masani le aliae o aafiaga e ilitata leaga ai le tino pe a pasia minute mai le faatoa fai ai o le tuipuipui, ma o le mafuaaga lena e tatau ai ona e faatali mo le 20 minute pe a uma na fai le tuipuipui.

Mo nisi faamatalaga

E maua nisi faamatalaga o aafiaga taatele, ma foliga e vaavaai ai ma auala e lipotia ai faaletonu.

Aafiaga o le tuipuipui, faaletonu ma le saogalemu (internal link)