Dengue Fiva Dengue Fever
Dengue fiva o se fa’ama’i e mafua mai i namu o lo’o a’afia ile dengue, e tele ina maua i atunu’u e vevela le tau. O namu o lo’o feavea’ina le dengue e lē maua i Niu Sila ae o lo’o maua mai i atunu’u mai fafo. E leai se tui e puipuia ai lenei fa’ama’i. O le puipuiga s ili, o le fa’aititiaole utia i namu pe a e malaga i fafo atu o Niu Sila.
This content is available in other languages:
E fa’apefea ona e a’afia i le Dengue Fiva?
E a’afia tagata ile fa’ama’i pe a utia i namu o lo’o a’afia i le siama. O le Dengue fiva e lē sosolo i isi tagata pei ole fa’ama’i ole fulū.
Fa’ailoga o le Dengue Fiva
O fa’ailoga ole dengue fiva e masani ona fa’aali mai i le aso 4 ile 7 o aso talu ona e utia i namu e iai le siama.
O fa’ailoga masani ole:
- Fiva
- Tigā ole ulu (aimaise tua o mata)
- Tigā o maso o le tino ma so’oga o ponaivi
- Lagona le vaivai tele
- Pata le tino/mageso/mafo’efo’e pa’u o le tino
- Toto le isu po’o aulamu (Gums)
- Pua’i mai le toto
- Lagona ole vave manava.
O le matuiā ole Dengue Fiva
E mafai ona o’o i se tulaga ogaoga le dengue fiva, pe a le lelei ona va’aia lou soifua mālōlōina. E i’u ina fa’ataotolia i le falema’i ona o le matuiā o le fa’ama’i o le dengue fiva.
- Fai lavalava e ufiufi ai lima ma vae
- Fai pulou ma se’evae soloatoa lea e pupuni ua ai vae (nai o lo’o se’evae tosotoso)
- Mo lou silafia, o le kulimi e fa’aaogā mo lou tino (e itiiti ifo i le 35 pasene mo le DEET – Diethyltoluamide).
Togafitiga
E leai se togafiti fa’apitoa mo le dengue, peita’i, e mafai ona puipuia oe e ala i le:
- To’aga e inu vai māmā
- Lava le malōlō
- Inu le paracetamol e feasoasoani ai i le tigā.
Afai o lo’o e inuina fuala’au mo isi ma’i, talanoa muamua i lau foma’i, a’o le’i inuina isi fuala’au.
Afai ua e maua i le dengue fiva, ‘aua le inuina le aspirin, ibuprofen po’o nisi fuala’au auā e atili ai ona fa’ateteleina le alu ole palapala (can cause the risk of bleeding).
Puipuiga
Mo le mamalu o le atunu’u faimalaga, e leai ni vaila’au po’o tui e maua e puipuia mai ai i le dengue fiva. O le auala sili mo lou
puipuiga, ole alofia mai ile utia o oe i namu mai atunu’u i fafo.
Ina ia aloese mai i le utia i namu a’o totonu o lou maota, e tāua le:
- Pupuni o faitoto’a ma fa’amalama
- Tulinamu/kulimi (insect-repellent)
- Fa’aaogā le permethrin spray mo
- lavalava (Fa’atau mai i le kemisi)
- Fa’aaogā ta’inamu mo le po.
Mo nisi fa’amaumauga i le Dengue Fiva
Afai e te maua i fa’ailoga o le fa’ama’i o le dengue fiva, pe a e fo’i mai sa e faigamalaga i fafo, sa’ili vave se fautuaga mai lau foma’i. Pe vili fo’i le Healthline e leai se totogi i so’o se taimi lava ile numera 0800 611 116
For further advice on mosquito-borne illnesses and travel advisories, see the Safe Travel website.