Aotearoa Niu Sila le National Immunisation Schedule National Immunisation Schedule
Ua saunia i Aotearoa Niu Sila le National Immunisation Schedule. E faatulaga mai ai tuipuipui e fai fua mo pepe, tamaiti, tupulaga ma tagata matutua i vaitaimi o le soifuaga.
This content is available in other languages:
On this page
- E fai fua le tele o tuipuipui
- National Immunisation Schedule
- Tuipuipui faaopoopo
- Mafuaaga e tele na maua ai nisi o tuipuipui
- E iai tuipuipui na o le tasi e moomia ae sili atu ma le 1 le faamai e puipuia mai ai
- Ua faatulagaina vaitaimi tonu e fai ai tuipuipui taitasi ua faamauina e maua ai le puipuiga sili
- A misi na fai se tuipuipui
National Immunisation Schedule
Fai fua tuipuipui a o maitaga
E mafai na fai tuipuipui e 3 e puipuia ai oe ma lau pepe.
- Fulū — 1 le tui mo taimi uma e maitaga ai, i soo se vaitaimi o tauave ai pepe.
- 'Ona, lipi, tale vivini — 1 le tui e fautuaina mai le 16 vaiaso ua tau ai maitaga taitasi.
- COVID-19 — Afai e le i faia uma tuipuipui COVID-19, e mafai na fai le tui i soo se taimi o lou maitaga.
Tuipuipui i le 6 vaiaso
E 3 tuipuipui e fai mo pepe.
- Rotavirus — o se tuipuipui e faainu (1 mai le 2).
- Lipi, 'ona, tale vivini, polio, hep B ma le Hib (1 mai le 3).
- Pneumococcal (1 mai le 3).
Tuipuipui i le 3 masina
E 3 tuipuipui e fai mo pepe.
- Rotavirus — o se tuipuipui e faainu (2 mai le 2).
- Lipi, 'ona, tale vivini, polio, hep B ma le Hib (2 mai le 3).
- Meningococcal B (1 mai le 3).
Tuipuipui i le 5 masina
E 3 tuipuipui e fai mo pepe.
- Lipi, ona, tale vivini, polio, hep B ma le Hib (3 mai le 3).
- Pneumococcal (2 mai le 3).
- Meningococcal B (2 mai le 3).
Tuipuipui i le 6 masina
E fautuaina le tuipuipui o le fulū i tausaga uma, pe a atoa le 6 masina o pepe.
- Fulū — tasi le tui e fai tausaga uma. Afai e le i faia muamua se tuipuipui o le fulū, ma e le i atoa le 9 tausaga, e moomia tui e 2, e 4 vaiaso e va ai.
Tuipuipui i le 12 masina
E 3 tuipuipui e fai mo pepe.
- Misela, mami ma le rupela (1 mai le 2).
- Pneumococcal (3 mai le 3).
- Meningococcal B (3 mai le 3).
Tuipuipui i le 15 masina
E 3 tuipuipui e fai mo pepe.
- Hib (tui tului faaopoopo).
- Misela, mami ma le rupela (2 mai le 2).
- Tanesusu (tasi le tui).
Tuipuipui i le 4 tausaga
- Lipi, 'ona, tale vivini ma le polio (tui tului faaopoopo)
Tuipuipui mai le 9 tausaga o le matua
- HPV (2 tui, e 6 masina e va ai)
Tuipuipui mai le 11 tausaga o le matua
- 'Ona, lipi, tale vivini (tui tului faaopoopo).
Tuipuipui i le 45 tausaga
- 'Ona, lipi, tale vivini (tui tului faaopoopo)
Tuipuipui i le 65 tausaga
- 'Ona, lipi, tale vivini (tui tului faaopoopo).
- Atiloto — 2 tui, e 6 masina e va ai.
- Fulū — fai fua tui i tausaga uma.
Tuipuipui faaopoopo
E ono mau xa tuipuipui faaopoopo e puipuia ai oe po o lau fanau. E aofia ai tuipuipui e fai fua mo i latou e sili ona lamatia ai — e aofia ai ma ē o nonofo i nisi o nofoaga toatele.
E maua tuipuipui faaopoopo e faaluaina ai le malosi o puipuiga ma vaitaimi o faigamalaga i atunuu mamao ae totogi le faiga.
Mafuaaga e tele na maua ai nisi o tuipuipui
E iai tulaga e lē gafatia ai e le tui e 1 o se tuipuipui na puipuia atoa oe.
E amata na masani lou tino e tetee atu i se siama, i le taimi muamua na fai ai se tuipuipui. E faasili lou malosi pe a fai le tui lona lua (e iai tulaga e fai ai le tui lona tolu po o le lona fa) ma atili malosi ma faaumiumi ai puipuiga o lou tino.
E eseese le umi e puipuia ai oe mai lea tuipuipui i le isi. E iai tulaga e moomia ai se tului o le tuipuipui e faamalosia atili ai puipuiga o lou tino.
E iai tuipuipui na o le tasi e moomia ae sili atu ma le 1 le faamai e puipuia mai ai
E iai tuipuipui na o le tasi e moomia ae sili atu ma le 1 le faamai e mafai na puipuia mai ai. Mo se faataitaiga, na o le 1 le tui e fai o le tuipuipui misela, mami, ma le rupela (MMR). O lona uiga e lē tele tuipuipui e fai ma e lē tele foi tui e fai.
E lē o taimi uma e mafai ai na ese se tuipuipui e fai pe a na o le tasi le faamai e te manao e puipuia mai ai. E lē o se tulaga ese le mau siama e taia ai puipuiga malosi o le tino i aso uma — ma e leai se tulaga e faapopoleina ai pe a tele tuipuipui e fai i le taimi lava e tasi.
Ua faatulagaina vaitaimi tonu e fai ai tuipuipui taitasi ua faamauina e maua ai le puipuiga sili
Na fuafuaina ma le mautinoa le vaitaimi e va ai le faiga o tui e faatuputeleina ai le malosi o si au tama. O le auala sili e puipuia ai lau fanau, le fai o tui e puipuia ai mai faamai i taimi ua faatulagaina. E tele na aafia tamaiti i se faamai ogaoga pe a lē faia tuipuipui e puipuia ai i le taimi e tatau na fai ai.
A misi na fai se tuipuipui
E leai se afaina, pe a iai se tuipuipui ua misi na fai. O le tele o tuipuipui na misi e mafai na fai i se isi taimi. Talanoa i lau fomai, tausimai, po o se sui faalesoifua maloloina faatuatuaina, mo se fautuaga.