Tuipuipui tale vivini Whooping cough (pertussis) vaccine

E mafai na tigaina pe a maua i le tale vivini, aemaise mo pepe e le i atoa le 12 masina. E tatau na fai tuipuipui mai le 16 vaiaso ua tau ai maitaga uma e puipuia ai pepe. Ona toe fai lea o isi tui e 3 o pepe pe a atoa lona 6 vaiaso, 3 masina ma le 5 masina. E fai foi tului faaopoopo i le atoa ai o lona 4, 11, 45, ma le 65 tausaga.

This content is available in other languages:

O tulaga e puipuia ai oe e le tuipuipui tale vivini

E mafai e le tale vivini ona faafaigata ai na mānava ma le leaga faia o le tale. E fia vaiaso po o masina o tale ma e masani na ta'ua o le 'vivini faa-100.'

E iu ai i le pneumonia, gatete le tino, ma isi faaletonu o le faiai.  O le 'afa ma ona tupu o pepe i lalo ifo ma le 12 masina ua pesia ai e moomia na ave i le falemai, ma e feoti ai le 1 o le 50 pepe.

E mafai na pepesi gofie i totonu o aiga pe a fetalei ma mafatua.  E mafai foi na pepesi gofie i totonu o aoga amata ma aoga.

E lē o iloga na pulea lelei le tale vivini i Aotearoa Niu Sila.  E faitau afe tagata e aafia ai, pe a sasao.

Faitau faamatalaga i auga, mafuaaga ma togafitiga.

Tale vivini (internal link)

Vaitaimi e fai ai le tuipuipui tale vivini

E te moomia le tele o tuipuipui tale vivini e puipuia ai oe i le soifuaga atoa.

E fai fua tuipuipui tale vivini mo fafine maitaga, tamaiti i lalo ifo ma le 18 tausaga le matutua ma tagata matutua mai le 45 faasolo atu i le 65 tausaga le matutua.

Open all

E amata puipuiga o tamaiti mai le tale vivini i le taimi o maitaga ai.

E sili na lamatia pepe i le tale vivini — aemaise pepe e le i faia tuipuipui.  O le 'afa ma ona tupu o pepe i lalo ifo ma le 12 masina ua pesia i le tale vivini e moomia na ave i le falemai, ma e feoti ai le 1 o le 50 pepe.

E te puipuia lau pepe pe a fai tui e puipuia ai a o e maitaga seia tau le 6 vaiaso e fai ai ana uluai tuipuipui.  E maua e pepe le malosi mai ia te oe i le fanua.

E pito sili na aogā pe a fai le tui mai le 16 i le 26 vaiaso o le maitaga, ae maua ma fai fua pe a tau le 13 vaiaso o taimi uma e maitaga ai.

Maitaga ma tui e puipuia ai (internal link)

E tuuitiitia puipuiga malosi na maua i le fanua a o faasolo ina matua pepe, ma e moomia na faatupu e pepe lona malosi mai le tale vivini i se taimi vave e mafai ai.

E tatau na fai le uluai tui o tui e 3 o le tale vivini pe a atoa lona 6 vaiaso.

Fai le tui lona lua o le tuipuipui tale vivini, pe a atoa le 3 masina.

Fai le tui lona tolu o le tuipuipui tale vivini, pe a atoa le 5 masina.

E tuuitiitia le malosi o puipuiga mai le tale vivini a o faasolo ina matua, ma e tāua le fai o se tului faaopoopo mo tamaiti pe a atoa le 4 tausaga – a o le i a'e i le aoga.

E fautuaina le isi tului faaopoopo e puipuia ai mai le tale vivini mai le 11 tausaga le matua.

E iai aoga e mafai na fai i le Tausaga 7 ma e fai fua foi i lau fomai, tausimai, po o le vaega faalesoifua maloloina.

E iai tagata matutua e fautuaina le ta'i 10 tausaga ma fai tului faaopoopo o le tale vivini. E aofia ai ma i latou nei:

  • tagata e faifai mea faatasi ma tamaiti ma tagata e lamatia gofie
  • nonofo faatasi ma se pepe faatoa fanau
  • maualuga tulaga e matuai tigaina tele ai mai le tale vivini, mo se faataitaiga o se faaletonu tumau i māmā.

E maua tuipuipui fai fua mo le 'ona, lipi, ma le tale vivini (Boostrix):

  • mai le 13 vaiaso o maitaga uma — amata na faatonu le fai o se Boostrix mai le 16 faasolo atu i le 26 vaiaso o le maitaga ona o le vaitaimi lea e pito aogā ai le tuipuipui
  • mo nisi ua atoa le 45 tausaga le matua
  • mo tagata uma mai le 65 tausaga le matutua — afai ua uma na fai lau tui e fai fua o le 'ona ma le lipi mai le 65 tausaga, o lona uiga e te lē agavaa mo le tuipuipui Boostrix e fai fua.

E mafai na faatau le tuipuipui tale vivini pe afai e te lē agavaa i tulaga e fai fua ai. E faailoa atu e le tagata o faia le tuipuipui pe fia au tului faaopoopo e tatau na fai.

E fuafua mai le $40 i le $90 e totogi ma e faalagolago i le nofoaga e fai ai.

O le ituaiga tuipuipui e fai

E maua puipuiga mai le tale vivini mai tuipuipui e puipuia ai mai isi faamai.

  • E fai tuipuipui o pepe> mo le lipi, 'ona, tale vivini, polio, hep B, ma le hib.
  • A atoa le 4 tausaga ona fai lea o le> tuipuipui o le lipi, 'ona, tale vivini, ma le polio.
  • O tagata uma ua atoa le 11 tausaga ma luga atu e fai le tuipuipui o le 'ona, lipi, ma le tale vivini (Boostrix).

E lē mafai na faaeseese tulaga nei — e lē mafai na fai na o le tuipuipui tale vivini.

Aaafiaga ma tulaga e ilitata ai le tino

Tagai i itulau o tusia ai aafiaga ma faaletonu o tuipuipui taitasi.

Faatonu le fai o se tuipuipui tale vivini

E fai fua tuipuipui tale vivini mo fafine maitaga, tamaiti i lalo ifo ma le 18 tausaga le matutua ma tagata matutua mai le 45 faasolo atu i le 65 tausaga.

A moomia na totogi, e fuafua mai le $40 i le $90 e totogi ma e faalagolago i le nofoaga e fai ai.

Mo tagata mai le 13 tausaga ma luga atu le matutua

E mafai na faatonu avanoa e fai ai tuipuipui mo tagata taitoatasi po o se vaega toatele mai le 13 tausaga po o luga atu le matutua i le initaneti po o le telefoni.

Tamaiti ua 12 tausaga le matutua ma lalo ifo

Faatonu sa'o se avanoa ma lau fomai, tausimai, po o le vaega faalesoifua maloloina pe a faatonu se avanoa mo tamaiti i lalo ifo ma le 13 tausaga le matutua.

Tagai i le Healthpoint e te iloa ai nofoaga e fai ai le Boostrix ma faamatalaga e faafesootai ai e te iloa ai pe iai se tupe e totogi.

Vaai po o fea se nofoaga lata ane e fai ai se Boostrix — Healthpoint (external link)

A leai sau fomai, tagai i le lisi ma le faafanua o nofoaga e fai ai tuipuipui ua saunia i le Healthpoint. E aofia ai faletalavai ma fomai e talia gasegase e le i lesitala ai.

Fai tuipuipui na misi

E leai se afaina pe a iai se tuipuipui ua misi na fai.  O le tele o tuipuipui na misi e mafai na fai i se isi taimi.

Talanoa i lau fomai, tausimai, po o se sui faalesoifua maloloina faatuatuaina, mo se fautuaga.

Fai tuipuipui na misi (internal link)