Valaau lau fomai masani, tausimai, po o le vaega faalesoifua maloloina masani e faatonu ai se avanoa e fai ai tuipuipui. Fuafua mo le 1 i le 2 vaiaso e faatali ai se avanoa e maua ai se taimi ma le aso e fetaui lelei mo oe ma lou aiga.

A lē mafai na e telefoni i ai, tagai i le upegatafailagi a le vaega faalesoifua maloloina mo isi auala e faatonu ai se avanoa.

Talosaga i ai mo se avanoa e fai ai lou tuipuipui po o le tuipuipui mo lou alo. E tatau na e faailoa i ai le igoa ma le aso fanau o le tagata o fia fai le tuipuipui. E mafai e le vaega faalesoifua maloloina na faamaonia i le National Immunisation Register tuipuipui e tatau na fai.

Sauni mo lou avanoa na faatonu (internal link)

Auala e lesitala ai i se fomai

Valaau se fomai po o se vaega faalesoifua maloloina lata ane pe faamata o talia lesitala fou. Tagai i le upegatafailagi Healthpoint, pe afai e te lē o mautinoa vaega faalesoifua maloloina i le tou vaipanoa. E lē gata i le iloa ai po o maua se fomai e fai ai se lesitala fou, e maua foi i le Healthpoint faamatalaga e faafesootai ai ma faatalanoa le faiga o se lesitala mo lou alo po o nisi o lou aiga.

Vaai se fomai i le tou vaipanoa – Healthpoint (external link)

E leai se tupe e totogi e lesitala ai tamaiti i lalo ifo ma le 14 tausaga le matutua.

A moomia se fesoasoani mo le faiga o se lesitala, e mafai na fesoasoani atu le faatosaga, falemai, po o le tausimai Well Child Tamariki Ora e lesitala lou alo i se fomai, po o le fia faia o tuipuipui i se isi vaega faalesoifua maloloina.

A lē maua se fomai e lesitala ai lou alo, valaau le:

• Healthline i soo se taimi i le 0800 611 116 (e maua faamatalaupu), po o le
• PlunketLine i soo se taimi 0800 933 922.

E mafai na latou fesootai oe i se auaunaga tau lotoifale e fai ai tuipuipui.

E mafai na faatonu avanoa e fai ai tuipuipui uma i le National Immunisation Schedule, ma le Book My Vaccine mo tuipuipui COVID-19 ma tuipuipui o le fulū. 

• Faatonu avanoa i luga o le initaneti: Book my vaccine (external link)
• Faatonu avanoa i luga o le telefoni: 0800 28 29 26 — 8:30am i le 5pm, Aso Gafua i le Aso Faraile (se'i vagana aso malolo faalemalo).

E tatau na fai tuipuipui mo faigamalaga (e lē aofia ai tuipuipui o le misela) i lau fomai, tausimai, vaega faalesoifua maloloina masani, po o se nofoaga faapitoa e fai ai tuipuipui mo tagata malaga.

E maua i le Healthpoint se lisi ma le faafanua o nofoaga e tatala i soo se tagata o fia fai se tuipuipui. E aofia ai faletalavai ma fomai e talia gasegase e le i lesitala ai.

• Nofoaga e fai ai tuipuipui e tatala i soo se tagata — Healthpoint (external link)
• Nofoaga e fai ai tuipuipui a tamaiti e tatala i soo se tagata — Healthpoint (external link)

E fai asiasiga a le vaega Public Health i aoga o fai ai tuipuipui e puipuia ai mai le HPV ma le 'ona, lipi ma le tale vivini — ma e masani na fai mo le Tausaga 7 po o le Tausaga 8. E maua atu i le aoga faamatalaga ma le pepa o le maliega.

Faafesootai le aoga pe afai na misi e lou alo le aso na fai ai tuipuipui i le aoga, po o maua se isi avanoa e fai ai tuipuipui na misi.

A faapea e lē o faia i le aoga tuipuipui, po o nisi mafuaaga ua misi ai le avanoa, e mafai na fai e le fomai, tausimai, po o se vaega faalesoifua maloloina. O se avanoa manaia e te lua ō faatasi ai ma lou alo e fai lona tuipuipui.

Atonu e mafai na fai nisi o tuipuipui i faletalavai mo tagata matutua, fanau matutua, ma tupulaga e aofia ai tui mo le:

• fulū
• misela, mami, ma le rupela (MMR)
• HPV
• tanesusu
• 'ona, lipi, tale vivini (Boostrix)
• fiva faiai
• COVID-19.  

Faafesootai le faletalavai lata ane e iloa ai tuipuipui o fai ai ma faamautinoa pe moomia na faatonu se avanoa pe leai. A o le i faatonuina se avanoa, vaai pe iai se tupe e totogi e fai ai. 

E maua i le Healthpoint se lisi o faletalavai i le tou vaipanoa ma faamatalaga e faafesootai ai.

Vaai se faletalavai e fai ai tuipuipui i le tou vaipanoa — Healthpoint (external link)

Faailoa i le auaunaga e fai ai tuipuipui e te moomia se lagolagosua faaopoopo po o lau fanau foi, pe a faatonu se avanoa.

Atonu e mafai na fesoasoani atu i tulaga nei:

• faaavanoa se potu na o outou e aunoa ma nisi
• fesoasoani atu pe a toatele tamaiti tou te ō atu faatasi
• faatulaga auala e sao gofie ai feoaiga
• faatulaga se taimi e ō atu ai i lou fale — atonu e ese le vaega faalesoifua maloloina e faataunuuina lea fuafuaga.

E iai le vaega mo manaoga faapitoa e mafai na e valaau i ai e avanoa 24 itula o le aso, 7 aso o le vaiaso.

• Valaau: 0800 11 12 13
• Feau tusitusia: 8988 fai fua
• Imeli: access@whakarongorau.nz

E tali lau valaau mai le 8am i le 8pm e se sui e patino le iloa po o le malamalama i manaoga faapitoa. O tua atu o le 8pm, e tali ai valaau e se sui aoaoina a le Healthline.

E mafai na e fesili i ai i tulaga nei:

• auala e sao gofie ai feoaiga i le nofoaga e fai ai tuipuipui
• saogalemu o le faiga o tuipuipui
• tuipuipui e fai i le fale mo oe po o lau fanau.

O ā lava faafesili ma tulaga o tuipuipui mo oe, po o lou alo o e fia malamalama ai, e mafai na e: 

• talanoa i lau fomai, tausimai, sui faalesoifua maloloina faatuatuaina, taitai tausiga faafailele, po o se tausimai Well Child Tamariki Ora
• valaau le Healthline i soo se taimi i le 0800 611 116 — e maua faamatalaupu
• valaau le PlunketLine i soo se taimi i le 0800 933 922.