Maitaga ma tuipuipui Pregnancy and immunisations
E fautuaina le fai o tuipuipui e puipuia ai mai le tale vivini, fulū ma le COVID-19 pe a e maitaga. Faatonu se avanoa e fai ai tuipuipui a o maitaga.
This content is available in other languages and alternate formats:
O tuipuipui e te moomia pe a fuafua e fai se pepe
E fautuaina le fai o tuipuipui uma e tatau na fai pe a o fuafua e fai se pepe.
E tāua tele lou iloa ua e puipuia mai le:
- misela
- rupela
- tanesusu.
E lē mafai na fai tuipuipui nei pe a e maitaga, auā e mafai ona e afaina ai faapena ma si au pepe o ola i lou manava.
E tāua tele le fai o tui e 2 o le tuipuipui MMR a o le i tau le uluai masina e te maitaga ai. E lē mafai na fai se tuipuipui MMR a o e maitaga.
E mafai na e tigaina pe a pesia i le misela a o e maitaga, ma e fanau lē au ai, fanauoti ai pepe ma e vave fanau ai.
E mafai na matuai faaletonu le tupu o pepe i le rupela — e pei o le faipe, faaletonu le fatu, ma afaina le faiai.
Faafesootai lau fomai, tausimai, po o le vaega faalesoifua maloloina e te iloa ai pe ua e puipuia, ma se faamaoniga pe na fai au tui e 2 o le MMR.
Afai e lē o mafai na e maua se faamaoniga pe ua e puipuia, e fautuaina le fai loa o lou tuipuipui i se taimi vave e mafai ai. E fai fua. E leai se mea e aafia ai pe a toe fai se isi tui MMR — e tāua lou iloa na fai ou tui e 2.
Faatonu se avanoa e fai ai le tuipuipui MMR (internal link)
E mafai na afaina si au pepe e le i fanau i le tanesusu ma oo ai i se tulaga e fanauoti ai.
Afai e lē o mafai na maua se faamaoniga pe na e maua muamua i le tanesusu, pe na fai foi le tuipuipui, e fautuaina malosi le fai o se tuipuipui tanesusu a o le i faia se pepe. E $70 e totogi e fai ai.
E lē mafai na fai sau tuipuipui tanesusu a o e maitaga.
Faamatalaina o le tuipuipui tanesusu (internal link)
O tuipuipui e te moomia a o e maitaga
E iai faamai e sili atu na e afaina ai a o e maitaga. E mafai na e puipuia oe lava ma lau pepe a o e maitaga i tuipuipui e 3 e fai fua.
E ui i le lē afaina o pepe i tuipuipui, e pei o le mea fua le maua e pepe o sina malosi mai ia te oe. E fanau mai ua maua sina puipuiga mo ia seia matua lelei fai ana tuipuipui. E pito sili na tāua le tulaga lea mo le tale vivini.
E sili na lamatia pepe i le tale vivini — aemaise pepe e le i faia tuipuipui. O le 'afa ma ona tupu o pepe i lalo ifo ma le 12 masina ua pesia i le tale vivini e moomia na ave i le falemai, ma e feoti ai le 1 o le 50 pepe.
E te puipuia lau pepe pe a fai tui e puipuia ai a o e maitaga seia tau le 6 vaiaso e fai ai ana uluai tuipuipui. E maua e pepe le malosi mai ia te oe i le fanua.
E sili na aogā le tuipuipui tale vivini pe a fai i le 16 i le 26 vaiaso o le maitaga, ae faatoa maua ma e fai fua mai le 13 vaiaso o taimi uma e maitaga ai.
Faatonu le tuipuipui tale vivini e fai fua (internal link)
A e maua i le fulū pe a e maitaga, e sili atu na e afaina i le pneumonia ma tulaga e taofia ai i le falemai.
E faatuputeleina foi e le fulū tulaga e afaina ai lau pepe, e pei o le vave fanau, fano ai, fanauoti ai ma le lē tau o le mamafa e lelei mo pepe.
O soo se vaitaimi lava o lou maitaga e mafai ai na fai tuipuipui o le fulū e fai fua.
Faatonu se avanoa mo se tuipuipui o le fulū e fai fua (internal link)
E mafai na tigaina fafine maitaga mai le COVID-19.
E te lē tigaina pe a fai lau tuipuipui COVID-19. E puipuia foi lau pepe e pei ona faamaonia le maua e pepe o le malosi mai le fanua e puipuia ai mai le COVID-19.
E lē gata i uluai tui e 2 o le COVID-19, e mafai na fai tului faaopoopo mo fafine maitaga ua ova atu ma le 16 tausaga le matutua.
A fia fai se tului faaopoopo, e fautuaina lou faatali mo le 6 masina talu na fai lou tuipuipui mulimuli o le COVID-19 po o le pesia ai.
Faatonu se avanoa mo se tuipuipui COVID-19 e fai fua (internal link)
Tuipuipui mo le tina ma le aiga pe a fanau pepe
E sili na lamatia pepe faatoa fanau seia atoa uma tuipuipui e tatau na fai. E puipuia pepe pe a fai atoa tui uma o tagata o le aiga e puipuia ai.
E mafai na fai tui e puipuia ai mai nisi o faamai pe a e fanau, pe afai e le i faia tuipuipui ae e te le i maitaga po o le taimi o maitaga ai. E tāua ia te oe, ma lou aiga, le fai o tuipuipui e puipuia ai pepe seia matua lelei ona fai lea o tui e puipuia ai ia lava.
A e fanau , e fautuaina le fai o lau tui e lē totogia e puipuia ai mai le misela, mami ma le rupela (MMR). E tatau na fai lau tuipuipui i se taimi vave e mafai ai.
Tuipuipui misela, mami, ma le rupela (MMR) (internal link)
Aua le popole pe afai na misi se tuipuipui, o le tele o tuipuipui na misi e mafai na fai i se isi taimi. Faafesootai lau fomai, tausimai, po o le vaega faalesoifua maloloina, pe afai e te lē o mautinoa pe ua fai au tuipuipui i le taimi faatulagaina e fai ai, po o lou aiga foi.
E fai fua tuipuipui uma o faamauina i le National Immunisation Schedule ma e lē afaina ai pepe o faasusu.
Faatonu se avanoa e fai ai tuipuipui
E mafai na faatonu i luga o le initaneti tuipuipui i le Book My Vaccine a o maitaga.
Book My Vaccine (external link)
E mafai foi na faatonu i luga o le telefoni i le 0800 28 29 26 — 8am i le 5pm, Aso Gafua i le Aso Faraile.
E lē taofia ai pe a e manao e faafesootai pea lau fomai masani po o le vaega faalesoifua maloloina e faatonu ai se avanoa e fai ai tuipuipui.
Sauni e fai uluai tuipuipui mo lau pepe
E fai uluai tuipuipui pe a atoa le 6 vaiaso o pepe. Faafaigofie laasaga uma ma vave lesitala i le fomai e fai ai.
A moomia se fesoasoani mo le faiga o se lesitala, e mafai na fesoasoani atu le faatosaga, falemai, po o le tausimai Well Child Tamariki Ora e lesitala lou alo i se fomai, po o le fia faia o tuipuipui i se isi vaega faalesoifua maloloina.
A lē maua se fomai e lesitala ai lou alo, valaau le:
- Healthline i soo se taimi i le 0800 611 116 (e maua faamatalaupu), po o le
- PlunketLine i soo se taimi 0800 933 922.
E mafai na latou fesootai oe i se auaunaga tau lotoifale e fai ai tuipuipui.