Fai tuipuipui COVID-19 Getting COVID-19 vaccines

E fai fua tuipuipui COVID-19 mo tagata uma ua atoa le 5 tausaga ma luga atu le matutua. E mafai foi na fai mo tamaiti amata mai le 6 masina tausaga e pito lamatia i se tulaga e tigaina tele ai pe a maua i le COVID-19. Faitau faamatalaga e te iloa ai le vaitaimi e fai ai, e fia tui e fai ma le auala e fai ai.

This content is available in other languages:

E lē o maua mo se vaitaimi lē tumau le tuipuipui Novovax mai le aso 30 Aperila 2024

E lē o maua le tuipuipui Novovax mai le aso 30 Aperila a o tau faagasolo galuega a le Medsafe e iloa ai le faiga e fai ai le ituaiga fou o le tuipuipui Novovax XBB.

E faailoa atu se lipoti lata mai pe a mautinoa le maua ai o le tuipuipui.

E maua le tele o le tuipuipui Pfizer’s XBB.1.5 COVID-19 (lauiloa o le Comirnaty) i Aotearoa Niu Sila.

A iai se fesili po o le fia faatalanoa o faiga e fetaui ma oe: 

  • faafesootai le vaega faalesoifua maloloina o vaaia oe
  • valaau le Vaccination Healthline i le 0800 28 29 26.

O tulaga e puipuia ai oe e le tuipuipui COVID-19

O le COVID-19 o se faamai e afaina ai totoga e mānava ai ma e aafia ai ou māmā, alāea, ma isi totoga.

E masani na tau leai po o le feololo auga COVID-19 e tai tutusa ma auga o le fulū, e faalogoina e tamaiti ma tupulaga. Peitai, e faalogoina e nisi tulaga e tigaina tele ai ma moomia ai le alu i le falemai.

E itiiti lava tulaga e tigaina tele ai tagata na fai tuipuipui. Faitau faamatalaga e iloa ai auga o le COVID-19, siaki, togafitiga ma isi.

COVID-19 (internal link)

Afai na e maua i le COVID-19

E tatau pea na fai tuipuipui uma o le COVID-19 ua fautuaina, tusa lava pe na e pesia i le COVID-19 po o lau fanau foi. E tuuitiitia ai tulaga e te tigaina ai. E ono tuuitiitia ai foi le faaumiumi na maua ai i le COVID.

E tatau na e faatali mo le 6 masina talu na faamaonia ua e aafia a o le i faia se tasi o tuipuipui COVID-19.

E mafai na vave fai tuipuipui a o le i aulia le 6 masina pe a e maua i se tulaga e tigaina tele ai. Talanoa i le vaega faalesoifua maloloina e iloa ai le vaitaimi e fai ai le isi tui.

O le tele o tuipuipui COVID-19 e fai ma le vaitaimi e fai ai

Open all

Faatoa fai le tuipuipui Pfizer mo tamaiti mai le 6 masina faasolo atu i le 4 tausaga le matutua pe a faapea e tigaina tele pe a maua i le COVID-19. Pe a faapea ua matuai faaletonu puipuiga o le tino po o le tele o faaletonu ma gasegase o maua ai.

O faaletonu i le tino e aofia ai:

  • faamai tumau o le māmā
  • leaga faia le fatu e pei o le tau leai se toto e pamu e le fatu po o se faaletonu o le fatu na fanau mai ai
  • ma'i suka
  • faamai tumau o le fatugao
  • faamai tumau o le mafaufau po o uaua ola o le mafaufau e pei o le cerebral palsy
  • Down syndrome
  • faaletonu puipuiga o le tino po o togafitiga e tuuitiitia ai le malosi o puipuiga o le tino e pei o le chemotherapy
  • leaga faia le toto
  • se totoga na faasopotō i le 24 masina talu ai.

E te maua faamatalaga auiliili i faatulagana e agavaa ai i le upegatafailagi Starship:

Tulaga e lamatia ai tamaiti i le COVID-19 — Starship (external link)

E moomia na fai tui e 3 a tamaiti o le tuipuipui Pfizer COVID-19.

  • E 3 vaiaso e va ai le tui muamua ma le tui lona lua.
  • Ma le tui lona tolu e faatoa fai pe a savalia le 8 vaiaso talu na fai le tui lona lua.

E moomia le fai o tui e 3 mo tamaiti na fai le uluai tui a o le i atoa le 5 tausaga o lona matua — tusa lava pe afai na atoa le 5 tausaga a ua uma na fai le tui muamua po o le tui lona lua.

O tamaiti ua atoa le 6 masina faasolo atu i le 4 tausaga e lē o maua i se faamai e pei ona ta'ua e itiiti lava tulaga e tigaina tele ai mai le COVID-19 ma o le mafuaaga lena e lē agavaa ai mo le tuipuipui.

E maua atu i le vaega faalesoifua maloloina e masani na vaai ai le fanau fautuaga pe faamata e agavaa mo le tuipuipui lea.

E mafai na puipuia tamaiti ua atoa le 5 faasolo atu i le 11 tausaga le matutua mai le COVID-19 i tui e 2 o le tuipuipui Pfizer mo tamaiti, ma e 8 vaiaso e va ai. E mafai na vave fai tui i le 3 vaiaso e va ai pe a moomia — mo se faataitaiga, pe afai ua amata se togafitiga e tuuitiitia ai le malosi o puipuiga o le tino. E tatau na faatalanoa le tulaga lea ma le vaega faalesoifua maloloina o vaaia le fanau.

E ono agavaa tamaiti e matuai faaletonu le malosi o puipuiga o le tino mo le tui lona tolu.

E lē agavaa tamaiti mo tui faaopoopo. E puipuia tamaiti i tui e 2 mai tulaga e tigaina tele ai i le COVID-19.

E agavaa tupulaga mai le 12 i le 15 tausaga le matutua mo le tui muamua e tasi o le tuipuipui Pfizer XBB.

E lē agavaa tamaiti malolosi i lalo ifo o le 16 tausaga le matutua mo tui faaopoopo.

E mafai na fai tui faaopoopo mo tupulaga mai le 12 i le 15 tausaga le matutua e sili ona tigaina pe a maua ai, e aofia ai fafine maitaga.  Talanoa i lau fomai, tausimai, po o le vaega faalesoifua maloloina pe fautuaina tulaga nei mo oe. 

E agavaa tagata mai le 16 i le 19 tausaga mo:

  • le tui muamua e tasi o le tuipuipui Pfizer
  • 1 le tui e faaopoopo pe a mavae le 6 masina talu na fai le tuipuipui COVID-19 — e fautuaina lou faatali mo le 6 masina talu na e maua i le COVID-19 e fai ai se tui faaopoopo.

E ono faia foi tui faaopoopo mo i latou e sili ona tigaina pe a maua i le COVID-19. E aofia ai:

  • tagata e matuai faaletonu le malosi o puipuiga o le tino e tetee atu ai faamai
  • fafine maitaga
  • tagata o maua i se faamai e tigaina tele pe a maua i le COVID-19
  • tagata e iai manaoga faapitoa faatasi ma le mau faaletonu po o manaoga faalesoifua maloloina.

Afai e ese se faaletonu i le soifua maloloina o e maua ai ma e te le o mautinoa pe fautuaina lou faia o se tuipuipui COVID-19, po o se atugaluga i ai, talanoa i le vaega faalesoifua maloloina o vaaia oe. 

E mafai e tagata matutua mai le 30 faasolo atu i luga le matutua na:

  • fai le tui e tasi o le Pfizer e faitauina ai o le tui muamua
  • e faaopoopo i ai ma isi tui faaopoopo pe a mavae le 6 masina talu na fai le tuipuipui COVID-19 — e fautuaina lou faatali mo le 6 masina talu na e maua i le COVID-19 e fai ai tui faaopoopo.

E mafai na fai tui faaopoopo ma e lē faitauina ai isi mau tui ua uma na fai ma e ono mafai ona fai lou tuipuipui COVID-19 mai le 3 i le 6 masina talu na fai le tui faaopoopo mulimuli. Mo se faataitaiga, pe afai e te tigaina ai pe a maua i le COVID-19. Talanoa i lau fomai po o se fomai faapitoa mo se fautuaga i le vaitaimi tonu e fai ai le isi ou tui. 

Tuipuipui COVID-19 faapitoa mo nisi

Open all

E fautuaina le fai o le tuipuipui pe afai ua atoa lou 12 tausaga ma luga atu ma e te maua i se faamai e tigaina tele ai pe a maua i le COVID-19. O faaletonu i le soifua maloloina e aofia ai:

  • leaga faia totoga e mānava ai, e aofia ai faamai tumau o le māmā ma le leaga faia o le sela
  • matuai faaletonu le fatu
  • faaletonu le malosi o puipuiga o le tino e tetee atu ai faamai
  • toto maualuga (maualuga o le toto)
  • ma'i suka
  • faamai tumau o le fatugao
  • faamai o le ate
  • stroke
  • kanesa
  • se faamai e matuai faaletonu ai le mafaufau e pei o le ma'i maliu, po o le matuai afaina i le loto mafatia.

Afai e ese se faaletonu i le soifua maloloina o e maua ai ma e te le o mautinoa pe fautuaina lou faia o se tuipuipui COVID-19, po o se atugaluga i ai, talanoa i le vaega faalesoifua maloloina o vaaia oe.

A e maua i se kanesa

E sili atu na e tigaina i le COVID-19, pe afai o e maua i se kanesa.

E mafai na fai se tuipuipui COVID-19, pe afai o lena e fai togafitiga mo se kanesa. E leai se faamaoniga e afaina ai togafitiga o se kanesa. E faalagolago i au togafitiga, le taimi e fai ai lau tuipuipui pe fetaui le fai i le va o togafitiga e aogā tele ai le tui. E mafai na e talanoa i lau fomai po o le fomai faapitoa i le taimi sili e fai ai tuipuipui.

E leai ma se aafiaga e te faalogoina e ese mai tulaga o le a faalogoina e tagata lautele. E leai se faamaoniga o le faateteleina o aafiaga pe a faapea e te maua i le kanesa.

E tatau na mafai ona fai lou tuipuipui i le taimi lava ua mafai ai, pe afai na e maua i le kanesa ma ua uma togafitiga na fai. Talanoa i le vaega faalesoifua maloloina o vaaia oe, e tusa ma ni atugaluga.

A e maua i le HIV

E sili atu na e tigaina i le COVID-19, pe afai o e maua i le HIV.

Na faia suesuega faapitoa faafomai mo le tuipuipui Pfizer na aofia ai tagata o maua i le HIV. E leai se faamaoniga o le faateteleina o aafiaga o le COVID-19 mai le tuipuipui na fai pe a e maua i le HIV.

O tulaga nei o lo o matou iloa mo tagata o maua i le HIV ma le aogā o isi tuipuipui na fai:

  • e iai tuipuipui e ono lē malosi le tali atu i ai o lou tino, e aofia ai ma le tuipuipui COVID-19
  • pe afai o e tauaveina siama e le i loga ona sasao ma e ono maua se puipuiga mai le tuipuipui COVID-19.

Talanoa i lau fomai faapitoa i le taimi e fai ai lou tuipuipui, pe afai faatoa fou nei le faamaonia o lou maua ai i le HIV ma o lena ua amata togafitiga.

E leai se tulaga o faamoemoe ai e tuuitiitia le aogā o le tuipuipui COVID-19, mai fualaau HIV, e aofia ai le PrEP. E lē afaina ai fua au fualaau HIV i le tuipuipui.

E sili atu na e tigaina i le COVID-19, pe afai e faaletonu le malosi o puipuiga o lou tino e tetee atu ai faamai.

E mafai na fai lou tuipuipui COVID-19 pe a tagofia fualaau po o togafitiga e afaina ai puipuiga o le malosi o lou tino. E pei lava o isi uma tuipuipui, e ono lē malosi tele le tali atu i le tuipuipui pe a faatusa i le isi tagata o malosi atoatoa puipuiga o le tino. Ae mafai na puipuia oe i le tuipuipui mai tulaga e te matuai tigaina tele ai pe a maua i le COVID-19.

E sili ai le fai muamua o le tuipuipui a o le i faia se togafitiga o fuafuaina e tuuitiitia ai le malosi o puipuiga o le tino, ae aua ne'i tolopoina se togafitiga. Talanoa i le vaega faalesoifua maloloina o vaaia oe po o le fomai faapitoa i le faiga o le tuipuipui COVID-19.

Tui faaopoopo

E iai tagata mai le 5 tausaga ma luga atu le matutua e matuai faaletonu puipuiga o le malosi o le tino e agavaa mo le faia o tui autu e 3 o le tuipuipui COVID-19.

E tatau na va i le 8 vaiaso mai le taimi na fai ai le tui lona lua, ona va lea i le 4 vaiaso, ma e faalagolago i togafitiga o faia po o fuafua e fai e tuuitiitia ai le malosi o puipuiga o le tino.

E faatatau tulaga e agavaa ai mo tagata e matuai faaletonu puipuiga o le malosi o le tino ma e tatau ona avatu se talavai mai le fomai.

E faailoa atu e le vaega faalesoifua maloloina o vaaia oe pe faamata e te agavaa ai. 

O soo se vaitaimi o lou maitaga e mafai ai na fai le tuipuipui Pfizer e aofia ai pe a faapea o faasusu pepe po o taumafai e fai se pepe. E lē o lava faamaumauga i le faaaogaina o le Novavax e fafine maitaga, ma e sili ai le fai o le tuipuipui Pfizer.

A fai lou tuipuipui COVID-19 o lona uiga e itiiti tulaga e te tigaina tele ai. E puipuia ai foi ma lau pepe o e tauaveina mai le COVID-19 ma le taimi e fanau ai.

E lē gata i le fai o (le) uluai tuipuipui COVID-19, ae mafai e fafine maitaga ua ova atu ma le 12 tausaga, na fai tui faaopoopo pe a faapea ua atoa le 6 masina talu ona fai le tui mulimuli COVID-19, po o le pesia ai.

E maua le avanoa e talanoa ai i se faufautua aoaoina lelei mai le Healthline i le faiga o se tuipuipui COVID-19. E maua ai tagata e malamalama i manaoga faapitoa, po o le tomai mai galuega sa fesoasoani ai i tagata e iai manaoga faapitoa.

E maua le auaunaga lea mai le Aso Gafua i le Aso Faraile, mai le 8am i le 6pm.

Fai lou tuipuipui

E tatau na faamauina lou auai ai, i le nofoaga e fai ai lou tuipuipui. Faamolemole faailoa mai pe a moomia se faamatalaupu mai le NZSL po o se isi faiga e faigofie na maua atu ai faamatalaga.

E toe fesili atu le sui o le aufaigaluega po ua e sauni e fai lou tuipuipui. A e ioeina le fai o lou tui, o lona uiga ua e malie i ai. E talia le malie i ai o se isi tagata o fai ma ou sui ma e faataga na ia faia se faaiuga faapea, pe a e lē mafaia.

E fesili atu le tagata o faia tuipuipui po o ā mai, ma pe iai ni fualaau o inu.

E lē o se mea ese se lagona palaai po o le popole. Fesili i le tagata o faia tuipuipui mo se mea o e fia malamalama i ai.

E tatau na e faatali mo le 15 minute pe a uma na fai lou tuipuipui. Fai i ai pe mafai na e faatali i se isi mea, pe a faigata na e nofo ai i le mea na faasino atu.

O le ituaiga tuipuipui e fai

O le tuipuipui autu COVID-19 o faaaoga i Aotearoa Niu Sila o le Pfizer-BioNTech.

Pfizer

E fai le tuipuipui Pfizer mo tagata mai le 6 masina le matutua faasolo atu i tagata matutua.

Novavax

O le tuipuipui Novavax o le isi lea tuipuipui e:

  • fai ma tui autu mai le 12 tausaga le matutua ma luga atu
  • fai ma tui faaopoopo mai le 12 tausaga le matutua ma luga atu.

E masani na va i le 3 vaiaso pe sili atu talu na fai le tui muamua o le tuipuipui Novavax.

E lē o lava faamaumauga e tatau ai ona fautuaina le Novavax a o maitaga.

Maitaga ma tui e puipuia ai (internal link)

Malamalama i tuipuipui

Faitau faamatalaga e faatatau i tuipuipui ua faamaonia le faaaogaina i Aotearoa Niu Sila ma le aogā e puipuia ai oe.

Tuipuipui COVID-19 i Aotearoa (internal link)

A o le i faia se tui e puipuia ai

Open all

E fautuaina le va i le 4 vaiaso tuipuipui Mpox ma le COVID-19.

E mafai na fai isi uma tuipuipui a o le i faia tuipuipui COVID-19, pe a uma na fai, po o le fai faatasi foi.

Afai o lau tui muamua na fai o le tuipuipui Pfizer

E mafai na fai lou tui lona lua i Aotearoa Niu Sila. E tatau na va i le 3 vaiaso talu na fai lou tui muamua.

Afai o lau tui muamua na fai o le tuipuipui AstraZeneca

Ua lē o toe maua le tuipuipui AstraZeneca i Aotearoa. E mafai na fai le tuipuipui Novavax po o le Pfizer mo lau tui lona lua.

Afai e ese se tuipuipui na fai ai lau tui muamua

E tusa ma tulaga o faia i le taimi nei i Aotearoa, e fautuaina le fai o se tui o le tuipuipui Pfizer.

A faatonu se avanoa e fai ai se tui, ona e faailoa mai lea pe na fai se tui e 1, o le ituaiga tuipuipui na fai, ma le aso na fai ai. E faavasega fua e le Book My Vaccine le aso e fai ai lou tuipuipui Pfizer.

E lē mafai na fesuiai tuipuipui nei, ae sili atu na aogā le fai o se tui faaopoopo e tasi o le tuipuipui Pfizer. E mafua le tulaga lea ona e patino gaioiga o tuipuipui uma i le puipuiga malosi o le tino e tutusa ma vaega o le tino ua aafia i le COVID-19.

E te lē moomia se tui lona lua, pe afai na fai lou tui e 1 o le tuipuipui Johnson & Johnson (Janssen).

Tului faaopoopo

O le tuipuipui Pfizer le tui autu o lo o faaaoga i Aotearoa e fai ai tului faaopoopo, e tusa lava pe afai e ese se tuipuipui na fai ai tui ua uma atu. Na o tagata mai le 18 tausaga po o luga atu le matutua e mafai na fai tului faaopoopo Novavax.

Faatalanoa ma le tagata o faia tuipuipui tulaga na e afaina tele ai po o le ilitata ai o lou tino i le faatoa uma na fai o soo se tuipuipui po o se tui na fai.

Aafiaga ma tulaga e ilitata ai le tino (internal link)

E tatau na e talanoa i le vaega faalesoifua maloloina o vaaia oe le tuipuipui e fetaui ma oe pe afai e iai se talaaga o le fula leaga o ou foliga mai se tui e fai:

  • soo se mea e gaosia ai le tuipuipui Pfizer po o le Novavax
  • o se tui o le tuipuipui Pfizer po o le Novavax na fai.

E toe faamautu po o e moomia se fesoasoani, pe a faatonu se avanoa e fai ai se tui.

O tulaga nei e mafai na fesoasoani atu ai:

  • se faamatalaupu mo tagata logonoa
  • fesoasoani e fai se tonu lelei
  • fesoasoani e fealuai ai
  • faaopoopo le umi o le taimi e auai atu ai i le avanoa na faatonu
  • se nofoaga e leai se pisa po o se potu e lē susulu malosi ai le malamalama
  • telē le avanoa i totonu o se nofoaga e te savali ai.

A faapea na faatonu lou avanoa i luga o le initaneti, e mafai na toe valaau atu e faamautinoa o maua mea o e moomia i le nofoaga e fai ai tuipuipui.

Faailoa i le radiographer po o le tomai faapitoa e le i leva tele atu na fai lou tuipuipui.

E iai taimi e fufula ai totoga matauaola i lalo o aoao po o le ua mo nai aso talu na fai le tuipuipui. E mafai na iloa atu i se mammogram, ultrasound, CT po o se MRI na fai.

E lē tatau na faatuai le fai o se avanoa e siaki ai. Faatalanoa ma se tomai faapitoa po o le radiographer, atugaluga uma.

O tulaga nei e tatau na e faailoa, a o le i faia lou tuipuipui:

  • lou igoa, aso fanau ma le tuatusi o se nofoaga e faamaonia ai faamaumauga o faamauina i le Aotearoa Immunisation Register — e lē moomia na e faaali se faamaoniga o lou tagata moni
  • e faaleo lau maliega e fai ai le tuipuipui — o tulaga masani mo soo se tui e puipuia ai.

Maliega mo le faia o tuipuipui mo tamaiti

E tatau na auai faatasi se tagata matua ma le tamaitiiti i le aso e fai ai le tuipuipui. O se tasi o mātua, se tagata matua o lona aiga, se uo faatuatuaina, pule faaletulafono, po o se tagata o tausia le tamaitiiti.

E tatau i le tagata ua faatulafonoina na te tausia le tamaitiiti ona malie i le faiga o se tui mo se tamaitiiti i lalo ifo ma le 12 tausaga le matua.

Afai o faatasi atu se tagata matua ma le tamaitiiti i le aso e fai ai se tui ae e lē o le tagata lea ua faatulafonoina na te tausia le tamaitiiti:

  • ona tatau lea i le tagata e faia tuipuipui na faafesootai i le telefoni le tagata ua faatulafonoina na te tausia le tamaitiiti mo sana maliega e fai ai le tuipuipui
  • e mafai na faaali e le tagata matua se kopi o le maliega e fai ai le tuipuipui COVID-19 o saini ai le tagata ua faatulafonoina na te tausia le tamaitiiti.

Pepa o le maliega tuipuipui COVID-19 [PDF, 244 KB] (external link)

O le faiga masani lea e faamatuu atu ai se maliega.

Tupulaga ua atoa le 12 tausaga ma luga atu

E ui lava i aiatatau o tupulaga ua atoa le 12 tausaga ma luga atu le matutua e talia ai e i latou lava tulaga faapenei, matou te fautuaina fanau e faatalanoa tulaga o tui e puipuia ai ma mātua, aiga, po o se tagata na te faatuatuaina e lagolagoina o ia.

O le a faatalanoa ma le sui o le soifua maloloina le tuipuipui a o le i faia lana tui e puipuia ai. E mafai na ia ioe e fai pe leai foi, po o le malie i ai le tagata o vaaia ia.

A iai sou manaoga faapitoa po o se faaletonu

E toe fesili atu le sui o le aufaigaluega po ua e sauni e fai lou tuipuipui. A e ioeina le fai o lou tui, o lona uiga ua e malie i ai. E talia le malie i ai o se isi tagata o fai ma ou sui ma e faataga na ia faia se faaiuga faapea, pe a e lē mafaia.

Aaafiaga ma tulaga e ilitata ai le tino

E pei lava o le tele o isi fualaau, e iai taimi e ilitata ai le tino i tuipuipui. E feololo, ma e lē aafia ai tagata uma.

E lē o se mea ese le feololo o tulaga e maua ai ma o foliga na e iloa ai o lo o aogā le tuipuipui e faatupu ai le malosi i lou tino.

Faitau aafiaga masani o tuipuipui po o faaletonu ma le togafiti e fai ai.

Aafiaga o le tuipuipui, faaletonu ma le saogalemu (internal link)

Faatonu le faiga o se tuipuipui

Initaneti po o le telefoni

E mafai na faatonu avanoa e fai ai tuipuipui mo tagata taitoatasi po o se vaega toatele i le initaneti po o le telefoni. E mafai na sui pe faalēaogāina se avanoa na faatonu i luga o le initaneti.

Faitau faamatalaga i auala e faatonu ai le fai o se tuipuipui, po o le fia maua o se lagolagosua e patino i tulaga o e moomia.

Faatonu se avanoa e fai ai tuipuipui (internal link)

Vaai le vaega faalesoifua maloloina o vaaia oe po o se faletalavai

Atonu e mafai na fai tui e puipuia ai mai le COVID-19 i se vaega faalesoifua maloloina po o se faletalavai i le tou lotoifale. Faafesootai sa'o po o le tagai i le upegatafailagi Healthpoint e mautinoa ai.

Tuipuipui COVID-19 — Healthpoint (external link)

Nofoaga e sao gofie mo le faia o tuipuipui

E iai nofoaga e fai ai tuipuipui e faigofie na feoai ai. E mafai na fai ai foi ma tuipuipui a le tou aiga ma tagata o lagolagoina oe. Faitau faamatalaga i le Healthpoint e te iloa ai nofoaga e sao gofie ai feoaiga.

Tuipuipui COVID-19 — Healthpoint (external link)

E mafai na e talanoa i le vaega e malamalama tonu lava i manaoga faapitoa. E mafai na latou fesoasoani atu i tulaga nei:

  • faatulaga auala e faigofie ai feoaiga i nofoaga eseese
  • saogalemu o le faiga o lau tuipuipui
  • tuipuipui e fai i le fale
  • soo se faaletonu o se tuipuipui ia te oe po o fualaau o lena e inu.

E maua le auaunaga lea mai le Aso Gafua i le Aso Faraile, mai le 8am i le 6pm.

Valaau: 0800 28 29 26 ma filifili le option 2

Feau tusitusia e lafo fua: 8988

Imeli: accessiblecovidvaccinations@whakarongorau.nz

Fai le tuipuipui i lou fale

E mafai na fai i le fale se tuipuipui mo soo se tasi o faafaigata na fealuai.

Talanoa i lau fomai po o le faafesootai le COVID Vaccination Healthline i le 0800 28 29 26 e te iloa ai auala sili e fetaui ma tulaga o e moomia.