Sauni mo se avanoa na faatonu Preparing for a vaccination appointment

Pe ā ma le 30 i le 45 minute le taimi atoa e faataunuu ai le faiga o se tuipuipui. E faitauina ai ma le 20 minute e faatalitali ai le taimi tonu e fai ai le tuipuipui.

Fuafua mo le umi atu se taimi e fai ai pe a toatele tamaiti, po o le aiga, o fia fai tuipuipui.

Ave lau Well Child Tamariki Ora My Health Book pe a iai sau api, e faasino i le tagata e faia tuipuipui e faamaumau ai lipoti lata mai o tuipuipui na fai. E leai se afaina pe a leai sau api, e faamauina foi i le National Immunisation Register tuipuipui na fai.

Fai lavalava e faigofie na talai ese pe toso i luga lima o le ofu e fai ai le tui i lou ogalima. E fai uma tui i auaga mo pepe i lalo ifo ma le 12 masina. Mai le atoa ai o le 1 tausaga, ona fai lea o le tui i le ogalima po o le auaga.

Ave meaai po o se vaiinu e moomia i le taimi atoa lea.

E manaia foi le ave o se meataalo e fiafia tele ai, palanikeke, po o se tusi e faapele ma faatafao ai pe a uma.

E lelei le tou ō ma se isi o lou aiga po o sau uo, e te lē soona popole ai.

E lē moomia na faaali se ID pe a tou taunuu atu.

Vave faafesootai le nofoaga e fai ai tuipuipui, pe a moomia na sui le taimi e fai. E faatonu ai se isi avanoa e sili atu na fetaui ma oe. Ae ave lau avanoa tuai i se isi tagata.

A faatonu se tuipuipui o le fulū po o le tuipuipui COVID-19 i le Book My Vaccine e mafai na toe sui lava i luga o le initaneti. E moomia na e iloa le numera faamauina mo le avanoa na faatonu. E lē mafai na sui avanoa mo se vaega toatele i luga o le initaneti — na o le faaleaogā e mafai na fai.

Fuafuaina o avanoa na faatonu — Book My Vaccine (external link)

Afai ua e ma'i i le aso na faatonu ai se avanoa

Faafesootai le nofoaga na faatonu ai se avanoa e fai ai lau tui. E te iloa ai pe tatau lava na fai lau tuipuipui.

E moomia na faatonu se isi avanoa fou pe afai ua e maua i le COVID-19.

Faailoa i le auaunaga e fai ai tuipuipui e te moomia se lagolagosua faaopoopo po o lau fanau foi, pe a faatonu se avanoa.

Atonu e mafai na fesoasoani atu i tulaga nei:

• faaavanoa se potu na o outou e aunoa ma nisi
• fesoasoani atu pe a toatele tamaiti tou te ō atu faatasi
• faatulaga auala e sao gofie ai feoaiga
• faatulaga se taimi e ō atu ai i lou fale — atonu e ese le vaega faalesoifua maloloina e faataunuuina lea fuafuaga.

Fesootai ma le vaega mo manaoga faapitoa

E iai le vaega mo manaoga faapitoa e mafai na e valaau i ai e avanoa 24 itula o le aso, 7 aso o le vaiaso.

• Valaau: 0800 11 12 13
• Feau tusitusia: 8988 fai fua
• Imeli: access@whakarongorau.nz

E tali lau valaau mai le 8am i le 8pm e se sui e patino le iloa po o le malamalama i manaoga faapitoa. O tua atu o le 8pm, e tali ai valaau e se sui aoaoina a le Healthline.

E mafai na e fesili i ai i tulaga nei:

• auala e sao gofie ai feoaiga i le nofoaga e fai ai tuipuipui
• saogalemu o le faiga o tuipuipui
• tuipuipui e fai i le fale mo oe po o lau fanau.

E faamatala atu e le tagata o faia tuipuipui tulaga o le tuipuipui ma tulaga e vaavaai ai pe a uma na fai. E maua le avanoa e fesili ai ma toe faamautinoa po o lena e te manao lava e fai le tuipuipui.

E iai tulaga e moomia ai na saini se pepa e faailoa ai ua e malie e fai le tuipuipui.

E talosagaina lou faatali mo le 20 minute pe a uma na fai le tuipuipui e mautinoa ai e leai se tulaga ua e afaina ai po o lau fanau foi.

A e palaai i nila

E leai se afaina o lou faailoa i le tagata o faia tuipuipui tulaga e te palaai ai i nila po o lau tama foi. Ua aoaoina atoatoa lelei le aufaigaluega ia fai tulaga uma e lelei mo oe. E iloa metotia ma faiga e faatea ai lou popole ma tuuitiitia ai le tiga ma le atuatuvale.

Fautuaga mo le faiga o tuipuipui mo pepe ma tamaiti

• Talatalanoa, opo atu, ma sii si au tama e lē alu tele ai lona mafaufau i le tui o fai ma faapelepele pe a uma na fai le tui. 
• Maua lou onosai. E iloa lelei e pepe ma tamaiti le atuatuvale o mātua.
• E faanānā foi pepe pe a faasusu (ia te oe po o se fagu susu) a o fai le tui e lē palaai ai.  

E talosagaina lou faatali mo le 20 minute pe a uma na fai le tuipuipui e mautinoa ai e leai se tulaga ua e afaina ai po o lau fanau foi.

E faalogoina e nisi faaletonu feololo pe a uma na fai le tuipuipui. Atonu e fiva pe latapaia, fula ma mumu le vaega o le tino na tui. O faailoga masani e iloa ai le aogā o le tuipuipui na fai.  E masani na mou ese atu auga pe a mavae atu le tasi pe lua aso.

E leai foi se afaina pe a aunoa ma ni auga e te faalogoina — o lena lava e aogā le tuipuipui.

Faafesootai lau fomai po o le tausimai, pe a iai se popolega i faaletonu ua vaaia pe a uma na fai se tuipuipui. E mafai foi na e faafesootai le Healthline i le 0800 611 116.

Aafiaga o le tuipuipui, faaletonu ma le saogalemu (internal link)