Ta matou ‘aka‘aere‘anga, e te ta‘anga‘anga‘anga i te ‘akakitekite‘anga no runga i to‘ou turanga ora‘anga kōpapa How we manage and use your health information
Te ‘anga‘anga nei te National Public Health Service - Northern Region ki roto i te pāruru‘anga, e te ‘akatopa‘anga mai, i te toto‘a‘anga o te au maki-piri. Tei roto i teia, te rave‘anga i te au ‘ārāvei-uiui‘anga i te aronga maki (tei tū‘ia, me kore ra, tei tū‘ia pa‘a e te maki) e te aronga piri-vaitata ki te maki (te aronga te ‘irinaki‘ia ra e, ka tū‘ia i teta‘i maki-piri, mei ko i teta‘i tei tū‘ia), me kore ra, i te ‘āriki‘anga, me kore ra, i te tāporoporo‘anga i te ‘akakitekite‘anga rapakau, no teta‘i mai ngā‘i kē atu. Kua pāruru‘ia te ‘akakitekite‘anga no runga iākoe ‘ua‘orāi, i raro ake i te Health Information Privacy Code, e teta‘i atu ture.
Ka tā‘anga‘anga anake ia te ‘akakitekite‘anga tei ko‘iko‘i‘ia mei roto mai i te au ‘ārāvei-uiui‘anga, me kore ra, no roto mai i teta‘i atu rāvenga, i te tauturu i te pāruru i
te toto‘a‘anga maki, e te ‘akaponuiā‘au‘anga i teta‘i atu.
Ka tāporoporo‘ia te ‘akakitekite‘anga tei ko‘iko‘i‘ia, e te National Public Health Service - Northern Region, e nga tu‘anga teia no te Te Whatu Ora – Health NZ.
Ka anoano‘ia pa‘a te National Public Health Service - Northern Region kia tuku atu i te ‘akakitekite‘anga tei ko‘iko‘i‘ia, ki teta‘i atu tei roto i te ‘aka‘aere‘anga maki-piri, mei to‘ou taote, me kore ra, i teta‘i atu turanga rapakau. Ka tuku anake ‘ua matou i teia ‘akakitekite‘anga, no te ‘aka‘aere‘anga i te maki.
Ka ‘akakite‘ia pa‘a teta‘i ‘akakitekite‘anga ki te ‘iti tangata, mei te au ngā‘i, e te au putuputu‘anga tei ‘aere‘ia ana e koe. No te tauturu teia, i te kimi i te aronga tei pirivaitata ana pa‘a kia koe. Kare te ‘akakitekite‘anga no runga iā koe ‘uā‘orāi, e tukuna‘ia ki te ‘iti tangata.
Ka rauka iā koe i te tomo atu ki roto i te au ‘akakitekite‘anga no runga i to‘ou ‘uā‘orāi turanga ora‘anga kōpapa, me ka ‘inangaro koe, e ka rauka iā koe i te pati atu kia ‘akatano‘ia, me te manako ra koe e, kare i tano, me kore ra, kare e tau ana.
Ka rauka iā koe i te tuku atu i teta‘i ‘ua atu manatā no runga i te turanga muna o te ‘akakitekite‘anga no runga i to‘ou ora‘anga kōpapa, ki te District Privacy Officer, me kore ra, ki te Office of the Privacy Commissioner:
Office of the Privacy Commissioner
E pu‘apinga te ‘akakitekite‘anga e pati atu nei matou, no runga i te ‘aka‘aere‘anga, i te toto‘a‘anga maki-piri. Me kare koe e ‘ōronga mai i ta‘au ‘akakitekite‘anga, ka ngatā atu te ‘aka‘aere‘anga i teia au maki. I teta‘i taime, ka rauka ia matou i te ‘akaue atu, kia ‘ōronga mai koe i te ‘akakitekite‘anga, i raro ake i te Health Act.