Ka ‘ḁmis matḁ‘ ma a‘es‘ao‘åk tapen ‘ou rogrog ne måür fakforo How we manage and use your health information
National Public Health Service (NPHS) – Northern Region tä garue la matḁ‘ua, pärea ma tukua se lopo forås ne ‘af‘af ne pō la forås vavhiḁn ‘e le‘et se le‘et. Tē te‘is la pō se‘ ma la a‘sok ‘e ‘oris la nā sḁio‘ se famori (famӧr ne ‘es ne kop ma ‘es ‘e ta ‘af‘afat ne raksa‘ ka forås vavhiḁn) ma famӧr ne hḁi‘eleag ma iris ne pō ‘e ‘af‘af ta (famӧr ne mamḁr ka raksa‘ ‘e pō ne ta ‘af‘af raksa‘at ka mamḁr ‘e ta le‘ hoi‘ḁkit), ne ‘e ‘oris la pō ma fakput ne åf‘åk ne rogrog ‘on ta le‘et ‘e rēko ‘on måür fakforo ne pōam ‘e ta ut hoi‘ḁkit.
This content is available in other languages:
‘Ou rogrogo la matḁ‘um ‘e fån ne foh ne Health Information Privacy Code ma ta kḁinag foh hoi‘åk.
Rogrog ne la fakputum ‘e av ne la tӧg sḁi‘o, ne ta kḁinag sal hoi‘ḁkit, la a‘es‘ao‘åk ke la pärea ma matḁ‘ua forås ne ‘af‘af raksa‘a ma matḁ‘ua famori la pär ka ū. Te‘ ne rogrog ne la fakputum la åf‘åk ‘e ut ruḁ ‘i NPHS ma National Public Health Service, ne hat se Health New Zealand - Te Whatu Ora.
NPHS kop ma la hḁiväeag rogrogo ma ut hoi‘åk ne garue la matḁ‘ua raksa‘ ma mamḁr ne forås ne ‘af‘af raksa‘a, fak se ‘ou tḁk ta ne ut garueag ma maj ne måür fakforo. ‘Ḁmis la hḁiväeag ke rogrogo ‘e ‘otomis la a‘sok ne garue ne la matḁ‘ua ma pärea famori ‘e raksa‘ ne ta ‘af‘afat.
Ma ‘on rogrog ‘e ‘on rereg ne kop ma la säe ofrḁu se taf ta, fakse ut ma so‘ ne kato‘ag ne ‘äe la‘ sin. Tē te‘is la hḁiasoag la aoa famori ne kop ma la noh hḁi‘eleag ma ‘äe. ‘Ou rogrog ne mou pḁu se ‘äea kal kel‘åk ra se taf ta.
‘Äe la pō se‘ ma la pō ‘ou rogrog ne måür fakforo nōnō ka pā ‘es, ma ‘äe la pō se‘ ma la far‘åk la a‘noj ‘ou rogrogo nōnō ka ‘äe a‘häe rogrog ne af‘åk se‘ sir ne la siok ta le‘et.
‘Äe la pō se‘ ma la nā ‘ou a‘häe ma kokono hün se ‘ou rogrog ne få‘ ‘e rēko ‘äe ma ‘ou måür fakforo se le‘et ne hat la District Privacy Officer ‘e ‘ou pure‘ag ta ne se ut te‘is Office of the Privacy Commissioner.
Office of the Privacy Commissioner (external link)
Rogrog ne ‘ḁmis far ‘e äea iḁ tē pumuet la hḁiasoag se garue ne la matḁ‘ua ma tukua forås ne ‘af‘af ne raksa‘ ka mamḁr. Nōnō ka ‘äe kal nā ra rogrog ta‘ag, matḁ‘ut se forås ne ‘af‘af ta kop ma la noanoa pḁu. ‘E av ‘e ‘on rerege, ‘ḁmis la pō se‘ ma la a‘mah‘åk fakfoh la ‘äe la nā rogrog ‘i ‘e hün se foh te‘is Health Act.